Aydheea 66:14 - Wëël Jwøk

¹⁴ 'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Aydheea 66:14 Iomraidhean Croise

Edhera 7:9

Kiper ena tïŋŋö Babiløn ni nïr dwääy mana dïkwøŋ aciel, ni pïïe Jerucalem ni nïr dwää abïïc aciel, kiper cer Jwøk mare na beer ena bääte.

Edhera 8:18

'Ba kiper mana bëët cer Jwøki marwa na beer bäätwa, jøøgø akän baŋwa ki dhaanhø mo wïïe leer mo cwøl ni Cërëbiya, mo käla ri nyïïkwaac Maali nyikwaar Libay wär Icriel, ni eni ööi ka wääte ki tuuŋge, ni kwäänge bëët beege jiy apaar ka abära.

Edhera 8:22

Kiper aani wïïa laay ki man kwaa nyeya nee cïpe ki dëëci ki jø leny mo wø cäädhi ki bäät okwëënyi nee wa gwøkge øtjöö cer nyïïmän, kiper waano nø köö jï nyeya, ni «Cer Jwøk marwa ena bäät jiy bëët mo wø many eni; 'ba teek mare ki wëër mare nyoodhe nyoodhø bäät jiy bëët mo wø wec eni.»

Edhera 8:31

'Ba kanya tïm nïr dwää acielli na apaar kurriiø, waana tïŋŋö bäät Naam Awaa, ni wa døøa Jerucalem. 'Ba cer Jwøk marwa ena bäätwa, ni ö eni ni piem waani cer nyïïmän ki ceŋ jø wø møør piny øtjöö.

Pwöc Leec Wïc 17:22

Cwïny mo leer beeye kïïna mo beer, 'ba pänh cwïny wø duua dwadø dëër dhaanhø.

Pwöc Leec Wïc 3:8

Bëëtö manøgø ïïno mooe ki jööt dëël, ni wëëk cuu moï tëënnö.

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 13:5

Lwaak manøgø käla paac mo bäär, ni käla ya aŋuun piny mana bäär døc. Wuuö Jwøk ŋöömö manøgø bäre di raanynyø ki gïr tïïc mar ajäla mare.

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Aydheea 26:20

U na jiya, dønynyu yïth uudi mou, ni cïëgu dhøk odhuule mou bäätu, ni kannu dëëtu ki kany mo thiinh, këël kanyo ö wëëc Wuuö Jwøki noo pöödhe.

Aydheea 30:27

Raŋŋu, nyeŋ Wuuö Jwøk öö ki kany mo bäär; ni wëër mare liel kaamar maac mo jïye onitul ni cøl; eni wëër døc, ni dwøre bëëdö ni caala maac man wø thöör jammi.

Aydheea 33:20

Neennu Dhayan, pääny man wø wøørwa ajwöm mowa yie; Jerucalem ojootu ki nyeŋŋu na kar bëëtö mo päŋ ki bëët-mëër, ni tïme kaamar oduŋkaara mo bäŋ ŋat daak gø, wala ŋat mo pudha teegi moe wøk, wala ŋat mo cööta thøøli moe.

Aydheea 34:2

Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 41:20

nee joot jiyi, ni ŋäcge gø, nee caarge ni kwanyge tier gø, ki man näk mo bee aani na Wuuö Jwøk ki dëëra kiree na tïïc gø, ni bee aani na cwääc gø, a na Jwø Icriel na en kur keere.»

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

Jøøn 16:22

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

Ibaru 10:27

'Ba dööŋŋa lwäy ajäla mano en nyïm, ki maac mo liel ni raac døc, mano cam jø wø män ki Jwøk.