Aydheea 66:12 - Wëël Jwøk

¹² Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Aydheea 66:12 Iomraidhean Croise

Aydheea 14:2

Kanyøgø nø wïth juurre öö ni jiethge jø Icriel, ni kïthge geni yi ŋöömö marge, ni ö jø Icrielli ni tïïcge wïth juurre moøgø na moge yi ŋööm Wuuö Jwøk; ni ö cwøwi ki mään mo jøøgø ni bëëtge ni gena jø tïïc jïge. Jø Icriel, jiy moa mak geni ki tøŋ makge maaø ki tøŋ, ni tïmge na kwääri bäät jøøa dïïm geni.

Aydheea 26:3

Wui Wuuö Jwøk, ŋat wø bëëdö ni cwïnye ee maa dëërï, mooyï mooø ki jwöm ki yi cwïnye, kiper eni bëëdö ni ŋäätha ïïni.

Aydheea 33:21

'Ba kar kaaca, Wuuö Jwøk otïmö ni bee teek marwa ni tïme kaamar kany mo da näm, ki nyeŋ näm mo okønynyø ni døøŋŋø, ni bäŋ ŋat mo cør yïthge ki jää leny man wø kiiw ko opääli, ni bäŋ jïëth leny mo teek mo pöödhi ki yïthge.

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Aydheea 54:3

Kiper piny omayï ni këëtï bäät cwïïc ki bäät caam, ni ö ŋøøp wïth juurre ni dööŋe jï nyïïkwaayï, ni bëëtge yïth päänye moa no odööŋ keerge.

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 61:6

'Ba ge na jiya geno cwøl na dïlämme mo Wuuö Jwøk, ni cøøri ya jiyi ni jø wø tïny Jwøk marø. Geno cämö ki jap kwär mo wïth juurre, ni jïëmge ki køør jammi moøgø.

Aydheea 66:11

Kiper Jerucalem tïmö ni caala miiu; uuno dhøøth kööre ni jäŋŋu ki thunhnhe na beer; uuno mäthi ki caak moe ni mïn yïthu ki caage ni wø muuli ni thööth.»

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Agëë 2:9

'Ba ajiem mar øtø man tïmö ni dwøŋŋa eni døc no opöödhö ki øtø mana dïkwøŋ. 'Ba aani thuwø, bëët-mëër cïba cïbö kany.› Manøgø caana Wuuö Jwøki, eni na wïth jammi bëët.»