Aydheea 66:1 - Wëël Jwøk

¹ Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Aydheea 66:1 Iomraidhean Croise

1 Nyeye 8:27

«?Aŋø, Jwøk bëëdö bäät piny møn? Ka adïëri møn, ï na Jwøk, maal këël maal kuya kunece, ï ba røm yie. ?A øtø man ni yaa geerø en, ïïno rømï yie nidïï?

1 Luup Nyeye 28:2

Køøre Deebit acuŋŋö ni kööe, ni «U na nyïïmëëga, ni bee u jiy 'moa, cegu ïthu ni wïnynyu mara! Aani, aana cädö ki man gëëda ki øtø mo bëëdö ki kany mo bäär kiper acanduk man wø nyooth luumma tuut Wuuö Jwøki ki jiy, nee tïme thuwø ni beeye køøm tiet Wuuö Jwøk. 'Ba dëëra yaa nø jiiŋŋø ki man geera gø.

2 Luup Nyeye 2:5

«'Ba øtø mano geera en bee øtø mo dwøŋ; kiper Jwøk marwa dwøŋ ni kaala juu bëët.

2 Luup Nyeye 6:18

«?Aŋø, Jwøk bëëdö ki jiy bäät piny møn? Ka adïëri møn, ï na Jwøk, maal këël maal kuya kunece ï ba røm yie. ?A øtø man ni yaa geerø en, ïïno rømï yie nidïï?

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 60:13

Ajiem mar Lur Libaanø di kälö jïrï, ni beege teeŋ jenni moa perge leth, nee øt lam mara nee tïïc ni mïërö ki ge, ni wëëga kar bëët tieta jiem.

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 12:6

'Ba aani, a cäänna uuni, ni gïn mør mo dwøŋŋa eni ki Øt Jwøk Mana Dwøŋ ena kany.

Mathiew 24:2

Ni dwøk gø jïge, ni «?Gïïögø bëët ajootu? Adïëri møn a cäänna uuni, otïmö ni bäŋ kïdi aciel kany mo dööŋ bäät watge ni ba leeŋ piny.»

Moa Tïïc Nyïïatwieli 17:24

Jwøk na cwääc piny ki jammi bëët moi ni en yie en, na näk Kwääy maal ki piny, bäŋ wø bëëdö tiet arïëki mo tïïya dhaanhe.