Aydheea 65:7 - Wëël Jwøk

⁷ ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Aydheea 65:7 Iomraidhean Croise

1 Nyeye 22:43

'Ba Jøcapat abëëdö ni caatha køør gïïa tïïc wänni ma Aca, ni käre gaa wøk ki yïthge, 'ba ena bëëdö ni tïïya gïï mo nëëni ni beyø ki jï Wuuö Jwøk. 'Ba kwör lam moa en bäät thuuri kär raanynyø. 'Ba jiy poot bëëdö ni cïpö ko olämme ni ge wääŋö ki gïï wø jïye ŋwääi ni met bäätge.

1 Nyeye 22:44

'Ba Jøcapat atudö ki luum mëër ki nyeny Icriel.

2 Nyeye 12:3

'Ba gïna no odööŋ keere ni käre tïïö, kwör wø läm jiyi yïthge bäät thuuri käre raanynyø. 'Ba jiy poot bëëdö ni ge cïpö ko olämme ni ge wääŋö ki jer wø jïcge ŋwääi ni met yïth kwörögø.

2 Nyeye 14:4

'Ba gïna no odööŋ keere ni käre tïïö, kwör wø läm jiyi yïthge bäät thuuri käre raanynyø. 'Ba jiy poot bëëdö ni ge cïpö ko olämme ni ge wääŋö ki jer wø jïcge ŋwääi ni met yïth kwörögø.

2 Nyeye 15:35

'Ba gïna no odööŋ keere ni käre tïïö, kwör wø läm jiyi yïthge bäät thuuri käre raanynyø. 'Ba jiy poot bëëdö ni ge cïpö ko olämme ni ge wääŋö ki jer wø jïcge ŋwääi ni met yïth kwörögø. 'Ba eni dhi kal mar Øt Wuuö Jwøk mana en jï maal acäŋ geerrø.

2 Nyeye 16:4

Ni ö eni ni bëëde ni cïpö ko olämme ni wääŋö ki jer wø jïcge ŋwääi ni met kwör lam moa en bäät thuuri ki bäät kïte ki moa en tiet jenni moa no onigïït piny bëët.

2 Luup Nyeye 21:11

'Ba Jöram ena tïïö thuwø ki kwör lam bäät thuuri mo Juuda, ni bwøth jø Juuda ki jø Jerucalem ki man gaage wøk køør juu møøk kaawat man wø tïïc dhaaŋ paaci mo rïïŋö køør käp.

Bwøth Wøk 20:5

Kär geni lamï, ni ba tïnynyï geni, kiper aani na Wuuö Jwøk na näk Jwøï, aana Jwøk ma ŋat keec, ni jø wø män ki aani, gïïa bacge kïtha bäät obwöre moge ni jääla geni këël dää beenhnhe, ni put pïï ri ŋweer beenhnhe.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 22:14

'Ba Wuuö Jwøk, eni na wïth jammi bëët, ree anyoodhe jïra ni kööe, ni «Ka adïëri møn, raay moa tïïyu, u ba wëënni ki geni këël mano thøwu.» Manøgø beeye dwør Kwäärö Wuuö Jwøk, eni na wïth jammi bëët.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 28:21

Kiper Wuuö Jwøk ööa maal bäätu kaawat mana tïïe bäät Kïn Peradhim; eni wëër kaawat mana tïïe yi goor Gibien; ni ööe ni tïïe ki gïn mo kär dïëdö, ni beeye gïn mo nyään mo kär kwøŋ tïïc.

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 30:13

raay moøgø duua bäätu, kaawat man wø muk kiirri mo bäär, ni päth piny na thäŋi yie aciel.

Aydheea 30:14

Ni pädhe kaawat man wø päth daki ni wø peti na thäŋi, ni bäŋ abat mare mo dööŋ mo rømø ki man käär maac ki gø, wala man twøm pïï ki gø yi iith.»

Aydheea 57:12

Aani, bëënynyö maru manø ni ŋääthu enø, ki tïïe mou, tïïa tïïö nee ŋäc, ki man näk mo bäŋ gïn mo kønyge dëëtu.

Aydheea 57:7

Kwör niine mou you tïïö maal wï kïdi mo bäär døc, nou etha maal bääte kaace thuwø kuna cïpu ko olämme.

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 65:6

«Ka adïëri møn, gïïögø bëëdö no ogöör piny nyïma, naa ba lïŋi, 'ba gïïa tïïcge coola coolø. Aani, gïïa tïïcge dwøga bäätge,

Aydheea 66:4

Kiper manøgønø, ge jëënna jëënnö ka ajäla, a kïtha bäätge ki gïn mo ge lwäär ki gø. Kiper aana cwödö, ni bäŋ ŋat mo ojïëy, ni cääna, ni bäŋ ŋat mo ïthe ee ciiø. Gena tïïö ki gïï mo reyø nyïma, ni jierge jammi mo cwïnya ba mïnni ki ge.»

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Jeremaya 13:27

Tïïe moï moa näk ec raac ki ge døc na tïïyï kwör lam moa en bäät thuuri ajooda, ni beege luui moï, ki tïk mana en riï, ki käp marï. Wui, ï na Jerucalem, otïmö ni raac jïrï! ?A këël kany mo nyïëdi nø noo bëëdï niï ba waany?»

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Edhikiel 18:6

mo eni ba cämö ko olämme mo wø cïp jï juuga reyø yïth uut lam moa en bäät kïte, wala ki man wøør kït gïï wø lam mo jø Icriel, mo cï wati ba pääde, ni ba buti ki dhaagø mo kar pïïn piny mare opäŋ,

Daniel 9:8

Wui Kwäärö Wuuö Jwøk, waani marwa beeye lään wïc møn, wa ki nyeye mowa, ki kwääri mowa, ki wëëkwa, kiper waana bääyö dëërï.

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Ciik Kiper Dïlämme 26:39

'Ba jiy moo dööŋ ni kwøw dïïu otøp yi ŋööm nyïïmän mou kiper gïïa bacge, këël kiper gïïa bac kwäcge, ge poot tøba kunece kiperge.

Kwään Jiy 32:14

«'Ba ennø, uuna läw kar wëëgu, ni uuna jø raay møøk mo nyärö, nee wëëc Wuuö Jwøk meetu bäät jø Icriel.

Luk 6:38

Muu, 'ba ocäŋ mëëk uuni, ni cïp ka rumi mo othielø no oŋenø, ni øya piny, ni kïthi yïth aleeŋŋe mou. Kiper rumi man wø cïpu beeye rumi mano duu baŋu.»

1 Thecalönika 2:16

kiper mana mänge waani ki man caanwa luum Jwøk jï juurre, nee ge piem. Ni beeye gïï wø tïïcge cooth ni ge meeta raay moge ni thööth. 'Ba ka aŋuudi, wëëc Jwøk arøm dëëtge.