Aydheea 65:6 - Wëël Jwøk

⁶ «Ka adïëri møn, gïïögø bëëdö no ogöör piny nyïma, naa ba lïŋi, 'ba gïïa tïïcge coola coolø. Aani, gïïa tïïcge dwøga bäätge,

Aydheea 65:6 Iomraidhean Croise

Bwøth Wøk 17:14

Køøre Wuuö Jwøk aköö jï Modhe, ni «Göör gïnögø piny yi warakata na gïn ma gïr par wïc, ni caanï gø ni wïnyö jï Jøcua, kiper acaara mo di caarø kiper jø Amalëk otïïa ni bäŋgø bäät piny na bäre bäre.»

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 42:14

Wuuö Jwøk aköö, ni «Aana bëëdö ki kany mo bäär naa lïŋö, aana bëëdö ni aano nikïïl ni dëëra yaa juunynyö. 'Ba ennø, kaaman wø tïïc dhaagø mo ogøøc mäc lwaarri, aani, a köök ni jwëëya døc ni laba ree.

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 64:12

Wui Wuuö Jwøk, ?aŋø, ki køør japøge bëët, ï poot bëëdö niï lïŋö niï poot meeta ajäla bäätwa?

Aydheea 66:6

Wïnynyu dwøl man ni märi yi pääny en, cegu ïthu ki dwøl man ni wïnyi ki yi Øt Jwøk en! Manøgø beeye dwøra, a na Wuuö Jwøk; mara cool kwör dëët nyïïmän 'moa.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Edhikiel 11:21

'Ba jøøa näk cwïnyge onieŋ køør kït gïï wø lam na määnö na näk yia raac ki ge, japøgøøni dwøga wïthge.› » Luummögø caana Kwäärö Wuuö Jwøki.

Edhikiel 22:31

Kiper manøgønø, wëër mara kønynya bäätge ni puta ge thöör ki wëër mara ni wø liel kaamar maac, ni ö japa tïïcge bëët ni dwøga ge wïthge.» Luummögø caana Kwäärö Wuuö Jwøki.

Edhikiel 9:10

'Ba aani cwïnya ba pädhi ki gïna tägö dëëtge, ni ba wiia geni, 'ba tïïe moge na reyø dwøga wïthge.»

Jool 3:4

«Maya thuwø, u jø Tayar ki jø Caydan ki jiy bëët moa en mïëc Pilitin, ?agïnaŋø na manynyu nee tïïyu dëëra? Aŋø, da kwör mo dou coolø dëëra? 'Ba ni näk mo da kwör mo you caarø ni coollu coolø dëëra, laara ka layø ni dwøga gø dëëtu.

Milkiya 3:16

Køøre jøøa lwäär Wuuö Jwøk gena cäänö yïthakicge keerge, ni ö Wuuö Jwøki ni cek ïthe ni wïny marge. Ni ö wëëlö ni gööri nyïme kiper jøøa lwäär eni na wøør nyeŋŋe, nee bëëtge ni ge di lääŋŋö.

Luk 6:38

Muu, 'ba ocäŋ mëëk uuni, ni cïp ka rumi mo othielø no oŋenø, ni øya piny, ni kïthi yïth aleeŋŋe mou. Kiper rumi man wø cïpu beeye rumi mano duu baŋu.»

Tiet Ciik 32:34

«'Ba Wuuö Jwøk aköö, ‹?Aŋø, gïr nyïïmän moøgø patha yaa kan cwïnya cøøn, ni luumge yaa göör piny yi wëëlö mara?

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.