Aydheea 65:5 - Wëël Jwøk

⁵ ni ge wø köö, ni ‹Bëëdu kur keeru; käru nyänh buutwa, kiper waani, wa waany ni wa ba caal uuni!› Teeŋ jøøgø nø, wëër mara liel dëëtge kaamar maac mo jïye onirwöc ki yïth nïne bëët.

Aydheea 65:5 Iomraidhean Croise

Pwöc Leec Wïc 10:26

Kaawat man wø bëët gïn mo waci ki lak, ki man wø bëët jïrö ki waŋ, gïnögø thuwø caala ŋat mo dëëre leth jï ŋat wø jääŋ gø.

Pwöc Leec Wïc 16:5

Wuuö Jwøk yie raac ki jiy bëët moa näk cwïnyge da atöör; ka adïëri møn, geni, ge ba bøth ka ajäla.

Pwöc Leec Wïc 30:12

Da jiy mo cädö ni ge waany ki jïge, kaamane ge poot kär tïmö ni waany yïth raay moge.

Mathiew 9:11

'Ba na ö jø Paricithi na neenge gïnögø, gena köö jï bääge, na «?Aŋø ni cäm dïpööyi maru ki jø ajwäk ki jø raay en?»

Luk 15:2

'Ba jø Paricith ki dïpööye mo ciik Jwøk gena ŋurö, ni köge, ni «Nyeni jïëy ki jø raay ni cämö ki ge.»

Luk 5:30

Ni ö jø Paricithi ki dïpööye mo ciik Jwøk moa näk jø Paricith ni ŋurge ki nyeŋ bääge, ni köge, na «?Aŋø ni cämu ni mädhu ki jø ajwäk ki jø raay en?»

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Tiet Ciik 29:20

Wuuö Jwøk ba jïëy ki man wëën teeŋ ŋat ma enøgønø na bäre bäre, 'ba ki køør këëny mare, wëër mare liel kaamar maac dëër ŋatøgø. Køøre acëënne bëët moa näk ogöörö yi wëëlö man ööa bääte, ni ö Wuuö Jwøki ni raany nyeŋ gø, ni tïme ni kuc bäät piny.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.

Juut 1:19

Ni beege jøøgø ni wø tïïc apääk, ni cwïnyge ena køør jap piny, ni bäŋ Jwïëc Jwøk cwïnyge.