Aydheea 65:25 - Wëël Jwøk

²⁵ Orudö ki nyi røømmø geno cämö na aciel, ni ö ŋuuwi ni cäme ki luum kaamar dhieŋ, ni tïm tørri na cam mar thwöl. Ni put tïmö ni bäŋ gïn mo raac wala mo räänyö bäät kïnna na en kur keere.» Luummögø caana Wuuö Jwøki.

Aydheea 65:25 Iomraidhean Croise

Jööp 5:23

Kiper pwödhö marï otïmö ni bäŋ kïte yie, ni ö lääc paapi ni bëëtge ki bëët-mëër ki ïïni.

Aydheea 2:4

'Ba eni luup ŋøle ŋølø yïthakic wïth juurre, ni ö wïth juurre mo thööth ni dwøk ge kanya ciel. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Aydheea 35:9

ŋuu tïmö ni bäŋgø yie, ni bäŋ cwieny mo di joodø ni cäädhö yie. Lääy moøgø tïmö ni bäŋgø kaace, 'ba beege jøøa no owïïl wøk keerge noo cäädhi ki yie.

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Aydheea 65:11

«'Ba u na wec aani, a na Wuuö Jwøk, u na wïthu wïl ki Dhayan na näk kïdi mara na en kur keere, ni wø nywaak caammi mou ki juu møøk, ni wø tïïc athööthe ni päŋ ki køøŋ nyïïomøki mo ojääbö nee cïpu jï juu møøk,

Aydheea 66:20

Køøre jiy bëët moa bëëdö kaamar nyïïmëëgu ki køør ŋäädhe, okälge ki baŋ wïth juurre bëët, ni kälge ge jïra, a na Wuuö Jwøk, kaamar muuce mo beel. Geno ööi ki ge ni käärge ka bäät okwëënyi, ki yïth jïëth okwëënyi, ki yïth pëëmme, ki bäät gääŋŋe, ki bäät athïrööle, ni kïthge ge bäät kïdi mara na en kur keere na näk Jerucalem, ni caala man wø ö jø Icrielli wø kälge muuce moge mo beel ni käärge ka yïth jammi mo tøŋ ni ge kïtha ge yi Øt Wuuö Jwøk.

Edhikiel 43:11

'Ba ni näk mo wïthge lää ni caarge wïthge ki japa reyø na tïïcge bëët, yi jöö mana geer Øt Jwøk ki gø wär caanï jïge nee ŋäcge; ni beeye yi øt jöö mare mana jiiŋŋi ki gø, ki yi jöö mana tïïc dhøgi moe ki gø, ki yi jöö bäre mana geeri ki gø, ki yi jöör bëëtö mare bäre ki ciik moe. Luup moøgø bëët wär göör piny nyïmge, nee yi jöö mana geer Øt Jwøk ki gø nee ŋäcge ni cääthge ki køør ciik moe.

Daniel 11:45

Ni cwöth oduŋkaare mo nyec moe piny yïthakic naama dwøŋ ki Kïn Jwøk na mïërö na en kur keere. 'Ba eni poot thøw, ni bäŋ ŋat mo køny eni.

Mikiya 4:3

'Ba eni luup ŋøle ŋølø yïthakic wïth juurre, ni ö wïth juurre moa teek ni dwøk ge kanya ciel, këël moa kwörge bäyö. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Mikiya 7:17

Geni, geno ööi ni ge muulö yi tør ki bäp yïthge kaamar thwöl, ki gïï wø muuli ki yïth ŋøøm, ni ge ö wøk ka kwör gwøk røk moge ni dëëtge kwanynyi ki lwär, ni ge ööa nyïmï, ï na Wuuö Jwøk, Jwøk marwa, ni dëëtge miel, ni bëëtge ni ge lwäär nyïmï.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Moa Tïïc Nyïïatwieli 9:1

'Ba Cøøl cwïnye poot raac ni manynya man 'näk bääk Wuuö, ni ci baŋ Kwääy Lam Mana Dwøŋ,

Wëëlö Mana Göör Pøølli Baŋ Jø Röm 16:20

'Ba Jwøk ni wø cïp bëët-mëër, Ceethan olaar ŋiith tietu. Met ec mar Kwääyø ma Jecu Krictø bëëde bäätu.

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

Mana Nyooth 14:1

Kanyøgø aana nëënnö, ni jooda Nyidiel ni cuŋŋö bäät Kïn Dhayan, ni buute da jiy ma kume ma dïpa ki pïëraŋween kurŋween, jøøa näk nyeŋŋe ki nyeŋ Wänni ogöör täärnyïmge.