Aydheea 65:24 - Wëël Jwøk

²⁴ 'Ba kany wø pootge ni ge poot kär pëëö, løøa løø jïge, ni kany wø pootge ni ge poot cäänö, döötge puta ka wïnynyö.

Aydheea 65:24 Iomraidhean Croise

Wïlöölö 24:15

'Ba kanya poode ni eni poot cäänö, Rebëëka nyi Batuël o Milka aput öö ni dak mare kääre ka göönne. 'Ba Milka beeye cï Neeyör cöök Eeberammi.

2 Nyeye 19:20

Kanyøgønø, Aydheea wär Amöth ajäägö ki dwøl baŋ Edhekaya ni caan gø ni «Man beeye dwør Wuuö Jwøk, Jwø Icriel, ena köö: Lam mana lämï kiper Cenakerëp nyeny Aciria awïnynya.»

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 41:17

«'Ba jøøa can ki jøøa no oööl ge bëëdö ni ge manynya pïï, ni ge ba jïti, ni ö lëëpge ni bëëtge no otal ki riew. 'Ba a na Wuuö Jwøk, döötge wïnynya wïnynyö, ni kønya geni, ni ba wiia geni, a na Jwø Icriel.

Aydheea 55:6

Manynyu Wuuö Jwøk kany poode ni nut en; cwøllu eni kany poode ni kare cään en.

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Aydheea 59:1

Ka adïëri møn, cer Wuuö Jwøk ba ciek ki man kunye, eni wïnyö ni patha miiŋ;

Daniel 10:12

Ni kööe jïra, ni «Daniel, kärï lwäyö, kiper ki mana täge ki dïcäŋa dïkwøŋ na këëllï cwïnyï køør man ŋäyï tier gïna nyooth, ki mana dwøgï dëërï piny nyïm Jwøk marï, luup moï awïnynyi, ni beeye ni ööa ennø kiperge.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Maak 11:24

Kiper manøgønø, a caana gø jïïu, ni gïn wäro pëënynyu ki lam wär ŋääthu ni gïnögø cøøa jïïu. 'Ba oci jïïu.

Moa Tïïc Nyïïatwieli 4:31

'Ba kanyøgøøni na lønyge ki lam, kanya näk dëëtge ege cooŋ yie ree ajäŋe, ni pääŋ cwïnyge bëët ki Jwïëc Jwøk na en kur keere. Ni køpge luum Jwøk ni cwïnyge da cer.