Aydheea 65:22 - Wëël Jwøk

²² 'Ba uudi moo geerge ba beet jø møøki, ni nyïïjenni moo piithge ba cam jø møøki. Kiper cwiiri mo jiya otïmö ni thööth kaamar cwiic jaath, ni ö jiya na näk yaa jierø ni mïn yïthge ki gïïa tïïcge ki ceŋge.

Aydheea 65:22 Iomraidhean Croise

Wïlöölö 5:27

'Ba cwiiri bëët moa beet Mathucala beege cwiiri ma dïpe abïŋween ki pïërabïciel ka abïŋween. Køøre ena thøw.

Wïlöölö 5:5

'Ba cwiic Adam bëët moa beede beege cwiiri ma dïpe abïŋween ki pïëradäk. Køøre ena thøw.

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 62:9

'Ba jiy moo cooŋ beel, beel camge camø, ni pwøcge aani, a na Wuuö Jwøk, ni jiy moo cooŋ nyïïomøki, kwøk nyïïomøki omaathge yi kal mara na en kur keere.»

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.