Aydheea 65:18 - Wëël Jwøk

¹⁸ 'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Aydheea 65:18 Iomraidhean Croise

2 Luup Nyeye 6:41

«'Ba ennø, wui Wuuö Jwøk, ö maal, ni ööï kar bëëtö marï, ïïni ka acanduk man wø nyooth teek marï. Wui Wuuö Jwøk, beerra man ö dïlämme moï ni røøge bëënynyö dëëtge, ni ö jiyï mo wø cwïnyge en køørï ni mïn yïthge ki beenynyï.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 9:3

Wui, Wuuö Jwøk, wï jur marï otïïyï nee nyaacge ni tïmge ni thööth, ni tïïyï met ec marge ni dwøŋ, ni mïn yïthge nyïmï, kaamar man wø mïn yïth jiy ri kac ki beel, wala man wø mïn yïth jiy mo ge pääŋŋa jap twëër.

Jepaniya 3:14

Wui Dhayan, ï na caal nyakøø, kwöŋŋï ki met ec! Tïŋ dwørï maal døc, ï na Icriel! Beerra man mïn yiï ni kanynyï ki cwïnyï bäre, ï na Jerucalem na caal nyakøø!

Dhekaraya 2:10

«Wui jø Dhayan! Kwöŋŋu ki met ec, kiper aana öö naa bëëda dïïu. Manøgø caana Wuuö Jwøki.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

1 Thecalönika 5:16

Yïthu mïnge ki yïth nïne bëët.