Aydheea 65:13 - Wëël Jwøk

¹³ Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Aydheea 65:13 Iomraidhean Croise

Pwöc Leec Wïc 13:25

Ŋata mare beer caammi mo orømø wø dagø jïre, 'ba ŋata raac wø bëëdö no obup cooth.

Aydheea 1:19

Ni näk mo u jïëy ni kïthu luumma bäät tïïc, gïïa beyø moo ciek yïth ŋøøm cammu camø;

Aydheea 41:17

«'Ba jøøa can ki jøøa no oööl ge bëëdö ni ge manynya pïï, ni ge ba jïti, ni ö lëëpge ni bëëtge no otal ki riew. 'Ba a na Wuuö Jwøk, döötge wïnynya wïnynyö, ni kønya geni, ni ba wiia geni, a na Jwø Icriel.

Aydheea 41:18

Aani näm wëëga kwödö ki bäät thuuri moa leer, ni wëëga pïï kwön wøk ki yïth gøli. Dïtëën tïïa tïïö na puul mo päŋ ki pïï, ni ö ŋöömma no otal ni wëëga gø cöödö ki jøør.

Aydheea 42:17

'Ba jø wø ŋääth juu mo wø tïïc ki ceŋ, ni wø köö jï kït gïï wø lam, ni ‹Uuna juu mowa,› ge dwøga ŋäthge ki lään wïc mo dwøŋ.»

Aydheea 44:11

Ka adïëri møn, geni ki jø wø wøør kït gïïögø, wïthge olääy, kiper jø wø tëëŋö, gena jiy jaak. Beerra man cooŋge dëëtge, beerra man öge maal, beerra man tïm dëëtge ni kwanynyi ki lwär, beerra man wëëk geni bëët lään wïc.

Aydheea 44:9

Jø wø tëëŋö ki kït gïï wø lam, ge bëët bäŋ karge, ni jap wø perge leth jïge bäŋ gïn duuge, ni këël jiy moa køp ni tiet gïïögø ŋäcge, tïmö ni gïïögø kucge, ni kärge neenø, ni put tïmö na lään wïc jïge.

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Aydheea 5:13

Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 50:11

'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Aydheea 62:9

'Ba jiy moo cooŋ beel, beel camge camø, ni pwøcge aani, a na Wuuö Jwøk, ni jiy moo cooŋ nyïïomøki, kwøk nyïïomøki omaathge yi kal mara na en kur keere.»

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Jeremaya 22:22

Dïbwöthe mou bëët onikeet kaawat man wø tïïc jame, ni ö wïth juurre moa mëërru ki geni na dwätu ki geni ni maai ki tøŋ. Køøre wïthu otïmö ni laay, ni tïm nyeŋŋu ni law, kiper gïïa reyø bëët na tïïyu.

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Odheea 4:10

Geno cämö, 'ba ge ba jäŋ; geno bëëdö ki bëët käp, 'ba ge ba nyaay, kiper wïthge awïl ki Wuuö Jwøk.

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»