Aydheea 65:12 - Wëël Jwøk

¹² aani, u wëëga thøw opëëllö, ni kuullu wïthu piny bëët kiper nou ŋalli; kiper kanya cwöta, u kär jïëy, ni kanya cääna, ïthu käru ciiø. Uuna tïïö ki gïï mo reyø, ni jierru gïïa näk yia ba met ki ge.»

Aydheea 65:12 Iomraidhean Croise

Aydheea 1:16

«Lwøgu dëëtu, ni tïïyu dëëtu ni waany, ni ö tïïe mou moa reyø ni daagu ge nyïma. Weyu tïï jammi moa reyø,

Aydheea 1:20

'ba ni näk mo u kweer ni gëëmu, u thöör opëëlle thöörö.» Luummögø caana Wuuö Jwøki ki dhee kiree.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Aydheea 3:25

Cwøw moge ge di nääö ko opëëllö, ni ö jø lenynyi moge moa teek ni thøwge ri leny.

Aydheea 34:2

Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Aydheea 34:5

'Ba Wuuö Jwøk, kanyo thöör tïïc mare maalø, ka adïëri møn, opëëllö mare owëëk ööny piny bäät ŋööm Ëdöm ni jääl gø, ni beege jøøa näk ee nø jiiŋŋø ki man raany ge bëët.

Aydheea 34:6

Opëëllö mare ogääbi ki remø bäre. Ree orwødhe ki dwäle, ni rwøth ree ki rem mo caala rem mo nyïï rööm ka atëëe, ki dwäle mo caala dwäle mo røgi mo nyöök rööm. Kiper Wuuö Jwøk jiy onääe yi Bödhra, kaawat man wø 'näk lääy mo wø cïp no olämme, ni tïïc 'näk mana dwøŋ døc yi ŋööm Ëdöm bäre.

Aydheea 41:28

Aana rääŋö, 'ba bäŋ aciel mo jaal dhee. Bäŋ aciel dï juu moøgø mo cïpi ka acaara, ni bäŋ aciel mo oløk pïëc jïra kany wø pëënynya geni.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 59:15

Kare møn, adïëri arwäänyö, ni ö ŋat wø kwier bëët raay ni tïme ni di caannø. 'Ba kanya ö Wuuö Jwøki na joot gø ni bäŋ ŋøl luup ma kare, yie atïmö ni raac.

Aydheea 63:6

Wïth juurre anyøra ki gootø mara, ni wëëga ge meerø ki køør wëër mara, ni kønynya remge piny yïth ŋøøm.»

Aydheea 65:3

Ni beege jø wø tïïc aani cooth naa goota, ni wø cïp olämme moge jï juu møøk yïth ajïniine, ni wø wääŋö ki gïï wø jïcge ŋwääi ni met bäät thuube,

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Jeremaya 16:17

Kiper aani, waŋa bëëdö ni neeta uutjïëth bëëtö moge bëët, ni patha okanø ki jïra, ni raay moge kär rwäänyö jïra.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Jeremaya 7:27

«'Ba ï na Jeremaya en, luupögø bëët caanï caanø jïge, 'ba marï ba wïnyge. Ge cwølï cwølø, 'ba bäŋ dwøl mo duuge baŋï.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Mikiya 5:15

'Ba aani, ki køør wëër mara na dwøŋ, wïth juurre moo ba wïny mara, marge dwøga dëëtge.»

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

Mathiew 22:3

ni jääŋ laaŋe moe wøk kuna cwølge jøøa näk ocwølø kar cam nywöm. 'Ba jøøgø akweer ki öö.

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.

Jøøn 1:11

Ena ö baŋ moa näk moe, ni kär moe jïëy ki eni.

Tiet Ciik 32:25

Thøø otïmö ni dagø dï paac ki køør leny, ni tïm lwärri ni dagø yïth uudi; ni täk gïïögø dëët wøpe moa näk cwøw ki moa näk mään, ko obwöre moa therø, këël jäle moa näk wïthge da lwaar.