Aydheea 65:11 - Wëël Jwøk

¹¹ «'Ba u na wec aani, a na Wuuö Jwøk, u na wïthu wïl ki Dhayan na näk kïdi mara na en kur keere, ni wø nywaak caammi mou ki juu møøk, ni wø tïïc athööthe ni päŋ ki køøŋ nyïïomøki mo ojääbö nee cïpu jï juu møøk,

Aydheea 65:11 Iomraidhean Croise

2 Nyeye 21:3

Kiper eni kwör wø läm jiyi yïthge bäät thuuri na raany wänni ma Edhekaya acäŋ geerrø, ni tïïe ki gïï wø cïp olämme bäätge jï juuk wø cwøl ni Baal, ni tëëŋe ki jenni ni caa ge ri jwø wø cwøl na Acara, kaawat mana tïïc Akapi nyeny Icriel, ni wøør jap maal ni tïny geni.

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

Aydheea 1:28

'Ba jø ageem ki jø raay ge di raanynyø na aciel bëët, ni ö jø wø wec Wuuö Jwøk ni ränyge.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Aydheea 57:13

Kït gïï wø lammu na näk you cooŋø, beerra man piemge uuni kany wø jwöŋu kiper køny. 'Ba ge poot käl jame kälö ge bëët; këël jam dhøk, ge køøle køølø bëët. 'Ba ŋato bëëdö ni ŋäätha göök mara, ŋöömö oci jïre, ni ö kïnna na en kur keere ni dööŋe jïre na mare.»

Aydheea 65:25

Orudö ki nyi røømmø geno cämö na aciel, ni ö ŋuuwi ni cäme ki luum kaamar dhieŋ, ni tïm tørri na cam mar thwöl. Ni put tïmö ni bäŋ gïn mo raac wala mo räänyö bäät kïnna na en kur keere.» Luummögø caana Wuuö Jwøki.

Aydheea 66:20

Køøre jiy bëët moa bëëdö kaamar nyïïmëëgu ki køør ŋäädhe, okälge ki baŋ wïth juurre bëët, ni kälge ge jïra, a na Wuuö Jwøk, kaamar muuce mo beel. Geno ööi ki ge ni käärge ka bäät okwëënyi, ki yïth jïëth okwëënyi, ki yïth pëëmme, ki bäät gääŋŋe, ki bäät athïrööle, ni kïthge ge bäät kïdi mara na en kur keere na näk Jerucalem, ni caala man wø ö jø Icrielli wø kälge muuce moge mo beel ni käärge ka yïth jammi mo tøŋ ni ge kïtha ge yi Øt Wuuö Jwøk.

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 2:28

?'Ba u na jø Juuda, age juu mou moa tïïyu kiper dëëtu? Beerra man öge maal, ni näk mo løny jïge ki man piemge uuni kany wø enu yïth gïï mo leth; kiper juu mou thööth ni röömi ki kwään päänye mou.

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Tiet Ciik 32:17

Gena cïpö ko olämme jï juu mo reyø mo patha Jwøk ma adïëri, ni beege juu mo kucge dïkwøŋ, na juu mo nyärö mo jootge cään mo kär wøør kwäcge dïkwøŋ.

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,