Aydheea 65:10 - Wëël Jwøk

¹⁰ 'Ba kiperge, ge na jiya moo bëëdö ni manynya aani, Goor Carön otïmö na kar kwaath mar pïïth dïëk moge, ni ö Goor Akör ni tïme na kar rïc jï pïïth dhäk moge.

Aydheea 65:10 Iomraidhean Croise

1 Luup Nyeye 27:29

'Ba Citari nyï Carön, dhäk moa en kwör kwaath moa en Carön acïp cere. 'Ba Capath wär Adali dhäk moa en kwör kwaath moa en yïth gøli acïp cere.

1 Luup Nyeye 5:16

Ni ö jø tuuŋ Gaat ni bëëtge yi ŋööm Gelät, ki yi ŋööm Baacan ki yïth atude moa en yie, ki yïth pwöle mo kwaath mo Carön, këël mana këët nyeŋ keee moge.

Aydheea 33:9

Ŋöömö jwöŋö ni kïmme; ni ö lur Libaanø ni lää wïïe ni tale; goor Carön tïmö kaamar paap ma tëën; ni ö jenni mo ŋööm Baacan ki mo Kïn Karmël ni øc bøøge moge piny.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 51:1

U ni wø caath køør bëënynyö, ni wø many Wuuö Jwøk, wïnynyu mara. Neennu kïdi mana kälu ree, ni neennu kïdi mana kuuny uuni wøk ki dëëre.

Aydheea 55:6

Manynyu Wuuö Jwøk kany poode ni nut en; cwøllu eni kany poode ni kare cään en.

Jeremaya 29:13

Aano manynyu ni jootu aani, kanyo näk maa manynyu manynyø ki cwïnynyu bäre.

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 50:19

'Ba aani, jø Icriel oduua yi ŋöömö marge, ni bëëtge ni ge cama cam mano ciek bäät Kïn Karmël ki bäät Kïn Baacan, ki caammi moo ciek yi ŋööm Ipariem ki Gelät, mïëya en bäät thuuri.

Odheea 2:15

Kanyøgønø pwöth omøki moe odwøga jïre kaace, ni tïïa goor Akör na dhi øtø mar ŋäädhe. Eno wär ki duut ni caala mana bëëde ni ena nyakøø, ki kanya ö eni na ö wøk ki yi ŋööm Ijep.

Moa Tïïc Nyïïatwieli 9:35

Ni ö jø Lida bëët ki jø Caran ni jootge Aneea, ni løøge rege baŋ Wuuö.