Aydheea 64:7 - Wëël Jwøk

⁷ Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Aydheea 64:7 Iomraidhean Croise

Jööp 10:9

Par wïïï mø, ïïni aana nø cwääyï ki ro odhöönh; ?aŋø, a cäŋï ka raanynyø naa cäŋa døø ri tør?

Jööp 8:4

Ni näk mo obwöre moï obääyö dëëre, eni bääyö marge ee nø dwøk wïthge.

Bwøth Wøk 32:12

?Aŋø, a jø Ijep noo köge, ni ‹Jwøk jiye akäl wøk ki rääc ec nee nää yïthakic kïte, ni raany geni bäät piny›? Awuuö Jwøk, akwaya ïïni ki man cïbï cwïnyï piny ni wiilï acaara marï, ni ba tïïï ki gïn mo raac dëët jiyï.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Aydheea 27:5

'Ba mana beerra eni, beeye ki man ö eni ni bëëde ri göök mara. Beerra man ö eni ni tïïc bëët-mëër ki aani, ni wëëk bëët-mëër manøgø bëëtö yïthakicwa ki eni.»

Aydheea 45:9

«Otïmö ni leth jï ŋat wø pïëmö ki ŋata cwääc gø. Eni caala dak aciel røk dääe mo bäät piny! ?Aŋø, dak doo köö jï dïcwäc dääe, na ‹Agïnaŋø ni tïïyï enø?› ?Wala gïn mo otïïö doo köö jï ŋata tïïc gø, ni ‹Bäŋ ceŋ jïrï›?

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 56:4

Kiper man beeye luumma caan Wuuö Jwøki, ena köö, ni «Jøøa no odïnö mo wø gwøk cäŋ jwömö, ni wø jier jap wø met yia ki ge, ni wø laar göök ri luumma tuuda ki jiy,

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 59:2

'Ba bee gïïa bayu na wëëk uuni apääk ki Jwøk maru, ni kan täärnyïme ki uuni kiper raay mou, ni tïme ni bäŋ gïn wïnyi jïre.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Jeremaya 9:7

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Ennø, ge päära päärö ki gïï mo leth kaamar ŋat wø päär nywïënyö ki maac, ?kiper gïn mør mo daa tïïö kiper jiya agïnaŋø?

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Edhikiel 24:11

Køøre dhiithi wär thäänh maac ni yie bäŋ gïrpiny, ni weyï gø nee lëënhnhe këël kanyo tïm dëëre ni wärri ni kwaar. Kanyøgønø gïïa näk ba tøŋ na en yie oleeny, ni ö gïïa reyø na en yie ni waaŋ ge.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Odheea 7:14

Ge ba jwöŋi dëëra ki jwøk mo käla yïth cwïnyge kany wø gööge ko oduuru kwör niine moge. Kany wø lämge kiper caammi ki kwøk nyïïomøki, dëëtge ŋarge ŋarø, ni wecge aani.

Odheea 7:7

Ge bëët, ge bëëdö ni cwïnyge lïëth kaamar këënnö; dïbwöthe moge athöörge ki 'näk, ni ö nyeye moge bëët ni bëëtge ni geno päänhnhö no othøw. Bäŋgø dëëtge mo ocwøl aani.

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Milkiya 2:10

?Aŋø, jïïø ba da wääø aciel? ?Ni patha Jwøk aciel na cwääc øøni bëët? ?Aperŋø nø, ni bëëdø ni ŋati man nø dëëtø tïïö ka atade dëër coki, ni päädø gïna tuut Wuuö Jwøki ki kwäyø?