Aydheea 64:5 - Wëël Jwøk

⁵ Ïïni, ï ööa kuna kønyï jø wø yïthge met ki tïï jammi ma karge, ki jø wø paac wïthge ki uutjïëthe moï. Ka adïëri møn, ïïna gootø, kiper waana bääyö; waana bëëdö ni wa temma raay jaak. ?Aŋø, løny ki man piem wa këët ennø?

Aydheea 64:5 Iomraidhean Croise

Bwøth Wøk 20:24

« ‹Wäru tïïu jïra ki gïn wø cïp olämme bääte mo tïïc ko odhöönh, ni cïpu bääte ko olämme mo wø waaŋ ko olämme mo wø duunni ki mëër, ni cïpu røk rööm mou ki rwädhe mou. Ki yïth kwöro wäŋŋa bëët ni wïc di parø ki aani, aani, a ööa baŋu kaaca ni gwïëdha uuni.

Bwøth Wøk 25:22

'Ba aano wäro røømmi ki ïïni kaace, ni cääna ki ïïni ni dwøra wïnyö ki bäät rëëbi mana näk nyuudhi mar wëën raay, yïthakic kirubëlli riet na en bäät acanduk maal, ni beeye acanduk man wø nyooth luumma tuut Jwøki ki jiy; ni caana ciik 'moa jïrï bëët na näk ciik kiper jø Icriel.»

Bwøth Wøk 30:6

«Køøre gïn wø waaŋ jer wø jïcge ŋwääi ni met bääte enø wär cïp ŋää abïï wøk man wø gëëŋ kanya en kur keere na pere leth ki gø, ni dïët ka acanduk man wø nyooth luumma tuut Jwøki ki jiy, na en kany wø røømma ki ïïni yie.

Aydheea 1:30

Kiper u tïmö kaamar jaath mo bøøge otal ni tïmu kaamar ajïniina mo ba jøøyi ki pïï.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 26:13

Wui Wuuö Jwøk, Jwøk marwa, waana bëëdö ni wa käära kwääri møøk mo patha ïïni, 'ba beeye ïïni keerï ni wø nyeŋŋï wøørwa.

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Aydheea 63:10

'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Daniel 9:5

waani, waana gaa wøk, ni bääcwa ni tïïwa ki raay, ni gëëmwa, ni løøwa ŋäthwa baŋ gïïa cemï ki ciik moï.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Dhekaraya 3:3

'Ba Jøcua kanya cuŋŋe nyïm nyïïatwiel maal, eno ruyö ka abïïe mo okïl ki cïlö.

Milkiya 3:6

'Ba Wuuö Jwøk, eni na wïth jammi bëët, aköö, ni «A na Wuuö Jwøk, acaaya ba wiila; ni beeye tiere ni käru ränynyö na bäre en, u na nyïïkwaac Jeekap.

Moa Tïïc Nyïïatwieli 10:35

'Ba ki yïth mïëri bëët ni näk da ŋat mo wøøra gø ni wø tïïya gïno beer, wø jïëc Jwøki jïëö.

Ibaru 4:16

Kiper manøgønø, beerra man nyiigø buut wäl met ec ni yøø ŋäädhö, kiper nøø jïtø ki bäth ec, ni joodø met ec mano køny øøni kany wø cännø.