Aydheea 64:4 - Wëël Jwøk

⁴ Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Aydheea 64:4 Iomraidhean Croise

Wïlöölö 49:18

«'Ba aani, Awuuö Jwøk, a koora køny marï.

Edhera 9:7

Ki mana täge ki røk nïra beet kwäcwa këël dïcäŋi en, wa bëëdö ni wa tïïö ki raay mo døøŋŋø, 'ba ki køør raay mowa, waani ki nyeye mowa ki dïlämme mowa, waana cïp ceŋ nyeye mo wïth juurre, ni ŋar waani, ni mak waani ki tøŋ, ni twier waani, ni tïm wïthwa ni laay këël dïcäŋi en.

Dut Pwøc 62:1

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Aydheea 59:12

Kiper gïïa reyø na tïïø atïmö ni thööth døc nyïm Wuuö Jwøk, ni ö raayi moa tïïø ni jäälge øøni; bëëtö marø na raac nëënö jïïø, ni gïïa näk yøø bayø ŋääø;

Aydheea 66:8

?Aŋø, teeŋ gïnögø da ŋat mo owïny gø cøøn? ?Da ŋat mo ojoot teeŋ gïnögø cøøn? ?Da jic paac mo di lwaarø ki ge ki dïcäŋ aciel keere? ?Aŋø, da wï jur mo ge put ka nywøl yie aciel? 'Ba Dhayan atïmö kaamar dhaagø mo mäc lwaar kär ruu dëëre, ni put lwaar ko obwöre.»

Daniel 9:15

«'Ba ennø, wui ï na Kwäärö Wuuö Jwøk, Jwøk marwa, ï na käl jiyï wøk ki yi ŋööm Ijep ki køør teek badï, ï na tïïc nyeŋŋï nee wïnye kaawat man bëëde dïcäŋi en, waani, waana bääyö, ni tïïcwa gïï mo reyø.

Daniel 9:5

waani, waana gaa wøk, ni bääcwa ni tïïwa ki raay, ni gëëmwa, ni løøwa ŋäthwa baŋ gïïa cemï ki ciik moï.

Daniel 9:8

Wui Kwäärö Wuuö Jwøk, waani marwa beeye lään wïc møn, wa ki nyeye mowa, ki kwääri mowa, ki wëëkwa, kiper waana bääyö dëërï.

Odheea 7:7

Ge bëët, ge bëëdö ni cwïnyge lïëth kaamar këënnö; dïbwöthe moge athöörge ki 'näk, ni ö nyeye moge bëët ni bëëtge ni geno päänhnhö no othøw. Bäŋgø dëëtge mo ocwøl aani.

Dhekaraya 10:9

'Ba kanyo keetha geni dï wïth juurre, wïthge parge parø ki aani yïth mïëri moø ni kwörge bäyö yøø, ni ö geni ko obwöre moge ni bëëtge kunece ni cäŋge duuö yi nyïme.

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Jøøn 14:3

'Ba noo cøøa noo jiiŋŋa karu, aano cäŋ duuö, ni lwøra uuni ni käla uuni baŋa, ni kanyo bëëda yie, uuno bëëdö yie thuwø.

Wëëlö Mana Göör Pøølli Baŋ Jø Röm 8:19

Kiper jammi bëët moa näk ocwääc Jwøki ge koora kanyo nyooth nyïï Jwøk yie, ni nyeŋge ege peerø.

1 Körin 1:7

Ni tïme ni bäŋ muuy mar Jwøk mo tøør jïïu, kany poodu nou koora Kwääyø ma Jecu Krictø noo nyoodhi,

1 Thecalönika 1:10

nou koora duun Wääde ma Jecu ki maal, ŋata tïŋ maal ki yi thøø, ni beeye ŋato piem øøni ki wëër mano ööi.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Jeemeth 5:7

Kiper manøgønø, nyïïmera, cïbu cwïnynyu piny, këël mano ö Kwäärö. 'Ba ŋääø, ni ŋat puur wø koora jap wø beyø ni wø ciek yi ŋöömö, ni cwïnye ee cïp piny ki gø, këël mano päth køth dhikøthi ki køth arïïa.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.