Aydheea 64:2 - Wëël Jwøk

² Kaawat man wø ö maaci wø waaŋ moonni, ni wëëk pïï twaaø, ö piny ki maal ni tïïyï nyeŋŋï nee ŋäc nyïïmänni moï, ni tïïyï wïth juurre nee dëëtge tïmge ni kwanynyi nyïmï!

Aydheea 64:2 Iomraidhean Croise

Bwøth Wøk 14:4

Køøre aani cwïny Peerø odøøya mo teek, ni läm køøru. 'Ba aani teek mara onyoodha ki ri Peerø ki lwaak mar leny mare bäre; ni ö jø Ijepi ni putge gø ŋäc møn ni beeye aani na Wuuö Jwøk.» Ni ö jø Icrielli ni døøge ŋäthge keda mana caani ya Wuuö Jwøki jïge.

Aydheea 28:21

Kiper Wuuö Jwøk ööa maal bäätu kaawat mana tïïe bäät Kïn Peradhim; eni wëër kaawat mana tïïe yi goor Gibien; ni ööe ni tïïe ki gïn mo kär dïëdö, ni beeye gïn mo nyään mo kär kwøŋ tïïc.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 63:12

?Age eni na jääŋ bade na teek na näk bada ajiem bäät cer cwïï Modhe? ?Age eni na pääŋ pïï ki dïëre nyïmge, na tïïc nyeŋŋe nee bëëde ni ŋäc na bäre bäre?

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Amøc 4:12

«Kiper manøgø nø, u na jø Icriel, da gïn mo tïïa tïïö dëëtu. 'Ba kiper gïno tïïa dëëtu, jiiŋŋu rou ki man røømmu ki aani, a na Jwøk maru.»

Mikiya 1:4

Ni ö kïte kwöra nyøre ni leenyge kaawat man wø leeny gage ki maac, ni løøcge piny ki yïth agäm-kïte kaawat man wø løøc pïïyi piny ki kany mo ree ee lääŋö.

Dhekaraya 14:4

Dïcäŋöca Wuuö Jwøk tiere okëël bäät Kïn Ølip ki jï løø kur tuul-cäŋ ki Jerucalem, ni ö Kïn Ølip ni kaae ki dïëre ni tägi ka jï løø kur tuul-cäŋ këël jï løø kur pänh-cäŋ, ni put dïëre tïmö na waŋ aleya mo dwøŋ, ni jööt thääŋ kïdi maya jï løø wï-piny, ni ö thääŋŋe maya ni jööt jï løø tier-piny.

Tiet Ciik 2:25

Dïcäŋi ennø, a tägö ki man kïtha cwïny jiy bëët mo bäät piny bäre ki lwär kiperu, ni tïïa geni ni ge böö ki uuni, ni kany wø wïnyge gïru, ge puta bwøk, ni tïm dëëtge ni kwanynyi.›