Aydheea 64:11 - Wëël Jwøk

¹¹ Øt Jwøk marwa na en kur keere na näk øtø mar ajiem, na wara ö kwäcwa ni pwøcge ïïni yie, awaaŋ ki maac; ni ö japa perge leth bëët na en yie ni ränyge.

Aydheea 64:11 Iomraidhean Croise

1 Nyeye 8:14

'Ba kanya bëëde ni lwaa Icriel bäre cuŋŋö kaagø, nyeya ma Cølöman nyïme aløø baŋge ni gwïëth geni bëët.

1 Nyeye 8:56

«Pwøc en jï Wuuö Jwøk, na mooc jiye ma jø Icriel ki jwömö, ki køør gïïa caane bëët, ni bäŋ luubö aciel mo odööŋ ni kär thur kare røk gïïa beyø bëët na caane ki dhi dhaanhnhe ma Modhe.

2 Nyeye 25:9

Ni waaŋ Øt Wuuö Jwøk, ki paan dwøŋ mar nyeya, ki uudi moa en Jerucalem bëët; këël uudi moa døøŋŋø bëët awaaŋe thuwø.

2 Luup Nyeye 36:19

Køøre Øt Jwøk awaaŋge, ni nyaage kiir Jerucalem piny, ni ö uudi bëët mo Jerucalem moa no ogeerø ni teek ni waaŋge ge ki maac, ni raanyge jammi bëët moa perge leth na en yi Jerucalem.

2 Luup Nyeye 6:4

Ni kööe, ni «Pwøc en jï Wuuö Jwøk, Jwø Icriel, na cäänö ki dhee jï wära ma Deebit, ni put gïna caane wëëk thur kare, ni kööe,

2 Luup Nyeye 7:3

'Ba jø Icriel bëët, kanya jootge maac ni öö ki maal na ajiem mar Wuuö Jwøk dudö bäät øtø, cøŋge akëëlge piny dï kal nyïm øtø, ni kuulge wïthge piny yïth ŋøøm, ni wøørge Wuuö Jwøk ni pwøcge gø ni ge köö, ni «Ka adïëri møn, Wuuö Jwøk beer, ni mëër mare ni wø ba jøøl bëëdö na bäre bäre.»

2 Luup Nyeye 7:6

'Ba dïlämme cuŋŋö kwörge, ni jø tuuŋ Libay ge pwøya Wuuö Jwøk ki jap dööti moa tïïc nyeya ma Deebit kiper dwøk pwøc jï Wuuö Jwøk, kaa wara pwøc Wuuö Jwøk ki ge ni eni köö, ni «Mëër mar Wuuö Jwøk ni wø ba jøøl bëëdö na bäre bäre.» 'Ba ki løøk maya dïlämme møga ge bëëdö ni ge kudhö ki tuŋi, ni dhaanh Icriel bäre bëëdö ni cuŋŋö.

Aydheea 63:18

Kiper kar bëëtö marï na en kur keere abëëdö ni ena ceŋ jiyï na en kur keere ki kany mo thiinh, 'ba ennø, nyïïmänwa aöö ni raanyge gø, ni nyørge gø ki tietge.

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Wëël Kïmmö 1:7

Jerucalem yïth nïr beede na nïr caarø ii ki nïr thääyö wïïe di parø ki bëëtö mare na beer na beede yïth nïra dïkwøŋ. Kanya päth jiye cer nyimän, bäŋ ŋat mo køny eni. Ena raŋ nyïïmänni moe, ni ŋeethge ki gïr ränynyö mare.

Wëël Kïmmö 2:1

Wui, Kwäärö Wuuö Jwøk Dhayan abuŋ piny ki pöölö ki køør wëër mare! Ajiem mar Icriel alëëŋe ki maal ni leeŋ gø yïth ŋøøm. Ni eni kanya tïme na cäŋ wëër mare, bäŋ gïn mo ee caarø kiper kanya bëëdö na køøm tiete.

Wëël Kïmmö 2:7

Kwäärö Wuuö Jwøk gïn wø cïp olämme bääte jïre akwiere, ni jar øt lam mare na en kur keere. Eni kwör gwøk røk mo pääny acïp ceŋ nyïïmän, ni ö geni ni kwöŋge yi Øt Wuuö Jwøk kaawat man wø tïïc yi cäŋ ajwöma.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Edhikiel 24:25

«'Ba ï na wär dhaanhø en, kanyo raanynya øt lam marge na teek, ni beeye kar met ec marge ka ajiem marge, ni wø raŋge ni yïthge met ni cwïnyge pärö kipere, ni raanynya wäätge ki nyïïge thuwø,

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Mathiew 24:2

Ni dwøk gø jïge, ni «?Gïïögø bëët ajootu? Adïëri møn a cäänna uuni, otïmö ni bäŋ kïdi aciel kany mo dööŋ bäät watge ni ba leeŋ piny.»

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›