Aydheea 64:10 - Wëël Jwøk

¹⁰ Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Aydheea 64:10 Iomraidhean Croise

2 Nyeye 25:9

Ni waaŋ Øt Wuuö Jwøk, ki paan dwøŋ mar nyeya, ki uudi moa en Jerucalem bëët; këël uudi moa døøŋŋø bëët awaaŋe thuwø.

1 Luup Nyeye 23:5

ni ö jiyi ma kume aŋween ni kwanyi na jø wø koor dhi kal; ni ö jiyi ma kume aŋween thuwø ni kwanyi na jø pwøc Wuuö Jwøk ki wïth jap dööti ma teeŋi moa tïïc Deebiti kiper pwøc.

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 63:18

Kiper kar bëëtö marï na en kur keere abëëdö ni ena ceŋ jiyï na en kur keere ki kany mo thiinh, 'ba ennø, nyïïmänwa aöö ni raanyge gø, ni nyørge gø ki tietge.

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Wëël Kïmmö 1:10

Nyimän cere akïth baŋ jammi mo Jerucalem moa perge leth. Eni na Jerucalem wïth juurre ajoode ni dønynya kuna tukge øt lam mare na en kur keere, jøøa kööm Wuuö Jwøki ni kärge døny ya acooŋ jiye.

Wëël Kïmmö 1:7

Jerucalem yïth nïr beede na nïr caarø ii ki nïr thääyö wïïe di parø ki bëëtö mare na beer na beede yïth nïra dïkwøŋ. Kanya päth jiye cer nyimän, bäŋ ŋat mo køny eni. Ena raŋ nyïïmänni moe, ni ŋeethge ki gïr ränynyö mare.

Wëël Kïmmö 5:18

kiper Dhayan na näk Jerucalem aniruuth piny, ni tïme na kar bëëtö mar othööe.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Agëë 2:3

na ‹?A jøøe dëëtu ni poot kwøw ni ŋäc bëëtö mar Øt Jwøk man ka ajiem mare mana dïkwøŋ? ?A kawaane ennø, nëëne kaamar ŋø ki jïïu? ?Ba nëëni keda gïn mo bäŋgø jaak ki jïïu?

Luk 21:21

Kanyøca nø, jøw oen Judia, wär bwøkge bäät kïte, ni ö jø wø en dï pääny, ni aage wøk yie. Ni ö jø wø en ŋää pääny wøk, ni ba cige yie.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.