Aydheea 63:9 - Wëël Jwøk

⁹ Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Aydheea 63:9 Iomraidhean Croise

Wïlöölö 48:16

na näk nyïïatwiella køny aani yïth gïïa reyø bëët, beerra man gwïëth obwöre moi, ni bëët nyeŋŋa ki nyeŋ kwara ma Eeberam ki nyeŋ wära ma Aydhak ni di cwølø ki køørge, ni tïmge ni thööth na lwaak mo päl dï piny bäre.»

Jööp 37:23

Jwøa en teeki jïre kaala wïthø, ni teek mare opöödhö; 'ba ki køør ŋøl luup mana näk adïëri, ki bëët bëënynyö mare, bäŋ ŋat manynye nee thiel piny.

Bwøth Wøk 14:19

Ni ö nyïïatwiel maalli mar Jwøk, na näk cäädha nyïm lwaa Icriel, ni paany ree ni ci ŋäthge; ni ö pöölö ni daak ree nyïmge ni cuŋŋe ŋäthge,

Bwøth Wøk 15:13

«'Ba jiyï moa wïïlï wøk ki køør mëëyï ni wø ba jøøl obwøthï; ni kïthï geni kar bëëtö marï na en kur keere ki teek marï.

Bwøth Wøk 19:4

ni ‹Uuni ki dëëtu kiree gïna tïïa dëët jø Ijep ajootu ki nyeŋŋu, na käla uuni wøk ki Ijep, ni gwøa uuni kaa man wø ö odhuuthi wø käär nyaare ki bwöpe, ni käla uuni baŋa.

Bwøth Wøk 33:14

Ni kö Wuuö Jwøki jï Modhe, ni «Aano cäädhi ki ïïni ciel, ni mooa ïïni ki jwömö.»

Bwøth Wøk 33:15

Køøre Modhe aköö jï Wuuö Jwøk, «Ni näk miï ba aay ki waani ciel, kär wa wëëk wääth kany.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:4

Kiper mana näk mo perï leth jïra, ni ïïno wøørø, naa mëër ki ïïni, jiy møøk laa karï, naa coola wïth juurre kar jwïëy moï.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 51:10

?Aŋø, patha ïïni na taal naama dwøŋ, kuda näk päŋ døc, na tïïö ki jöö yi naamøgø, kiper nee jøøa wïïlï wøk nee ŋutge løøga ki yie?

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Jool 2:18

Køøre Wuuö Jwøk gïr ŋöömö mare tïmö ni päl cwïnye, ni päth cwïnye ki gïr jiye;

Dhekaraya 2:8

Kiper man bee gïna caan Wuuö Jwøki, eni na wïth jammi bëët, «Køør mana nø jiem aani, aana jääŋŋe baŋ wïth juurre moa caar uuni, kiper ena köö, ni ‹Jø wø gut uuni guta guu waŋa.›

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 25:45

«Kanyøgø odwøge jïge, na ‹Adïëri møn, a cäänna uuni, ni gïna näk käru tïïö jï dhaanhø aciel mo thiinhnha kare dï moi ii, gïnögø käru tïïö jïra thuwø.›

Luk 15:5

'Ba noo joot gø, tïŋe ŋute ni yie met.

Moa Tïïc Nyïïatwieli 12:11

Ni ö Piterri ni put dëëre ŋäc ni kööe, ni «Kawaane, ajooda na adïëri møn, ni Wuuö nyïïatwiel maal mare ajääŋŋe ni piem aani cer Eerat, ki luupa näk ocooŋ jø Juuthi bëët ki cwïnyge.»

Moa Tïïc Nyïïatwieli 7:38

Ni beeye eni na nut ya acooŋ Jwøk dï paap, ge ki kwäyø, ki nyïïatwiel maal na cäänö ki eni bäät Kïn Caynay, ni beeye ŋata wëëk luup mo kwøw eni nee mëëk øøni.

Moa Tïïc Nyïïatwieli 9:4

Ni put pädhö ni wïny dwøl ni cäänö ki eni, ni köö, ni «?Cøøl, Cøøl, aŋø ni gëëmï ki aani en?»

1 Körin 10:9

Øøni Wuuö Jwøk ba døø päänynyö, keda mana tïïc jø møøki dïge, na nääŋŋi ya thwöre.

Tiet Ciik 1:31

'Ba kanya enu dï paap kaace, gïna tïïc Wuuö Jwøki na näk Jwøu ajootu, ki mana käär uuni ki kwöra caathu bëët, keda man wø ö dhaanhe wø käär wääde, ni käär uuni këël mana pïïyu kany.›

Tiet Ciik 4:37

'Ba kiper mana ö Wuuö Jwøki na mëëre ki kwäyu, eni nyïïkwaacge ajiere, ni ö eni ki dëëre ni käl uuni wøk ki dï Ijep ki køør teek mare.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 2:18

Ni løny jïre ki man køny jø wø päänynyi, kiper eni ki dëëre gïï mo leth akwøŋ jwør, ni päänynyi.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.