Aydheea 63:8 - Wëël Jwøk

⁸ Kiper Wuuö Jwøk aköö, ni «Ka adïëri møn, gena jiy 'moa, ni beege obwöre mo ba løny ki man cäänge ki tööt jïra.» Kiper manøgønø, Wuuö Jwøk atïmö na pïëmi marge.

Aydheea 63:8 Iomraidhean Croise

Wïlöölö 17:7

Ni ö luumma tuuda ni wëëga gø bëëtö yïthakiyø ki ïïni ki nyïïkwaayï mo ööi køørï, këël yi beenhnhø marge bäre, ni tïm luumma tuuda na gïn mo bëëdö na bäre bäre, kiper naa bëëda ni aana Jwøk maru ki nyïïkwaayï mo ööi køørï bëët.

Bwøth Wøk 14:30

Dïcäŋeca Wuuö Jwøk jø Icriel akønye ceŋ jø Ijep, ni ö jø Icrielli ni jootge dëët jø Ijep moa no othøw deŋ Naama Kwaar.

Bwøth Wøk 24:7

Kanyøgø wëëlö mana gööre, na näk luumma tuut Jwøki ki jiy, alwøre ni kwaan gø ni wïnyö jï jiy; ni kö jiyi, ni «Gïïa caan Wuuö Jwøki bëët yøø jïëcwa jïëö, ni tïïcwa geni.»

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Bwøth Wøk 6:7

Ni lwøra uuni ni uuna jiya, ni tïma ni aana Jwøk maru, ni putu gø ŋäc møn ni aana Wuuö Jwøk na näk Jwøu na käl uuni wøk ki yïth gïïa leth na kïth jø Ijepi bäätu.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 19:20

Manøgø otïmö na nyuudhi na gïr lïŋ dï ŋööm Ijep kiper Wuuö Jwøk, eni na wïth jammi bëët; nee kanyo wäro jwöŋ jø Ijepi jï Wuuö Jwøk kiper jø wø caar geni, nee eni wø jääŋ baŋge ki pïëmi na kunyi mo wïïl geni wøk.

Aydheea 3:15

?Tiere ŋø cøøn ni thielu jiy 'moa piny en, ni røtu täärnyïm jiy moa can ki yïth ŋøøm?» Manøgø caana Wuuö Jwøki, eni na wïth jammi bëët.

Aydheea 41:8

«Wui, ï na dhaanhnha ma Icriel ni bee ï Jeekap na näk yaa jierø, ni bee ï na nyikwaar nyawatwa ma Eeberam,

Aydheea 43:11

Aani, bee aani na Wuuö Jwøk; ni bäŋ pïëmi mør këët ni näk mo paa aani.

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 51:4

U na jiya, wïnynyu mara; u na wï jur mara, cegu ïthu, kiper ciik ööa wøk ki baŋa, ni ö ŋølli mara na näk adïëri ni tïme na tar jï wïth juurre;

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Aydheea 64:9

Wui Wuuö Jwøk, kär wëër marï wëëk pöödhö døc bäätwa; kär japa reyø na tïïcwa lääŋŋï këël aŋuudi. Wui, beerra man raŋï wa, kiper waani bëët, waana jiy moï.

Jeremaya 14:8

Wui, ï ni wø ŋääth jø Icrielli, ï ni wø piem waani cäŋ gïïa leth, ?aperŋø ni bëëdï kaamar wëëllö yi ŋöömmi en? ?Na aperŋø ni bëëdï kaamar ŋat mo tiere ena jöö mo gää baŋ niine keere en?

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Jøøn 1:47

'Ba na ö Jecu na joot Nathaniel ni ööa baŋe, ena köö jïgø, «Neennu, man beeye nyï Icriel møn, mana näk bäŋ cwøk cwïnye.»

Wëëlö Mana Göör Pøølli Baŋ Jø Röm 11:28

'Ba ki kur luumma nyään na met, jø Icriel atïmö na nyïïmän Jwøk, kiper nee luumma nyään ni met ci jïïu, u na juurre; 'ba ki kur jïër mare, gena omëëye ki køør kwäcge.

Epeca 4:25

Kiper manøgønø, weyu tööt, ni tïmu karubëët nou cäänö ka adïëri jï wat mør. Kiper ø ena ri dëël aciel.

Tiet Ciik 32:5

«'Ba jø Icriel gïïa tïïcge dëëre beeye gïï mo reyø. Kiper rääö marge gena tïmö ni patha obwöre moe, ni tïmge na beenhnhø mo raac mo döönni.

Tiet Ciik 33:29

U na jø Icriel, uuna jiy mo dëëtu gum. ?Aŋø, da jiy mo caala uuni mo okøny Wuuö Jwøki kaamar maru? Eni caala kwöt leny maru, ni beeye eni wø køny uuni. Eni caala opëëllö mo uuno jïtö ka ajiem ki køøre. Ni tïm nyïïmännu ni lwäär ki uuni, ni putu geni böötö na bäre.»

Köløcia 3:9

Kär dee ŋat cään watge ki tööt. Kiper bëëtö mana dïkwøŋ you nø wec, ki tïïe moe bëët,

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

Juut 1:25

'Ba ajiem, ki rööny, ki teek, ki cuum, opoot en jïre, eni na Jwøa näk aciel enø, na näk Pïëmi marø, ki ri Jecu Krictø na näk Kwääyø, ki mana täge cøøn, këël ennø, këël na bäre bäre. Enøgønø.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.