Aydheea 63:7 - Wëël Jwøk

⁷ Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Aydheea 63:7 Iomraidhean Croise

1 Nyeye 8:66

'Ba na tïme na ri bäc nïne, nyeya jiy awëëk wääth, ni ö jiyi ni gwïëthge eni. Køøre gena aa mïëri moge ki kanynyø ki met cwïny mo dwøŋ kiper jammi moa beyø bëët na tïïc Wuuö Jwøki jï dhaanhnhe ma Deebit, ki jiye ma jø Icriel.

2 Luup Nyeye 7:10

'Ba na tïm nïr dwää abïriiø na pïërariiø kurdäk, Cølöman jiy awëëk døøn mïëcge ki kanynyø ki met cwïny mo dwøŋ, kiper jammi moa beyø bëët na tïïc Wuuö Jwøki jï Deebit ki Cølöman ki jï jiye ma jø Icriel.

Neemiya 9:25

Ni ö jiyï ni macge päänye moa näk ogeerø ni teek ki ŋöömma beer. Ni lwørge uudi mo yïthge päŋ ki jammi moa beyø, ka aguule mo okoonyø mo wø cuŋ pïïyi yïthge, ki pwöth omøki, ki jaath man wø nyïïe wel na maaw, ki jenni mo wø nyïïge cam, thööth jaak. Ni cämge ni jäŋge, ni lørge, ni bëëtge ni yïthge met ki jammi moa beyø na thööth na cïpï jïge.

Neemiya 9:27

Kiper manøgønø, gena cïbï ceŋ nyïïmän moge, jøøa caar geni; 'ba kanya jwöŋge dëërï ni ge ena yïth gïï mo leth, marge awïnynyï niï ena maal. Køøre ïïni, ki køør mëër marï na päl, ïïna cïpö jïge ki jiy mo käla geni wøk ceŋ nyïïmän moge.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Neemiya 9:35

'Ba kanya bëëtge ni ge ena ya akwöm nyec marge, ni gïïa beyø na thööth na cïpï jïge nut yi ŋöömma päl na beer na cïpï jïge, geni, ï kärge tïnynyö, ni tïïe moge na reyø kärge wiiø.

Dut Pwøc 51:1

Bwøth Wøk 18:9

Ni ö Jëthrö ni mïn yie ki gïïa beyø na tïïc Wuuö Jwøki kiper jø Icriel, na køny geni ceŋ jø Ijep.

Aydheea 26:13

Wui Wuuö Jwøk, Jwøk marwa, waana bëëdö ni wa käära kwääri møøk mo patha ïïni, 'ba beeye ïïni keerï ni wø nyeŋŋï wøørwa.

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Aydheea 54:10

Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Aydheea 54:7

Kiper aani, ïïna kwiera ki kany mo thiinh, 'Ba ki køør bäth ec mara na dwøŋ, ï cäŋa ka duu baŋa.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 64:5

Ïïni, ï ööa kuna kønyï jø wø yïthge met ki tïï jammi ma karge, ki jø wø paac wïthge ki uutjïëthe moï. Ka adïëri møn, ïïna gootø, kiper waana bääyö; waana bëëdö ni wa temma raay jaak. ?Aŋø, løny ki man piem wa këët ennø?

Wëël Kïmmö 3:32

Këël doo kännö ki pänh cwïny bäät dhaanhø, cwïnye poot di bäädhö ki køør mëër mare na päl ni wø ba jøøl.

Odheea 2:19

'Ba ïïni, ï miia miiø jïra na bäre bäre; ka adïëri møn, ï miia miiø jïra ki ra adïëri mara, ki ŋøl ma kare, ki køør mëër mara ni wø ba jøøl, ki bäth ec mara.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Mathiew 7:11

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal, okääŋe nidïï ki man cïp gïï mo beyø jï jø wø pëëny eni?

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Epeca 2:4

'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.

1 Timöthi 1:14

Ni ö met eci mar Kwääyø ni tïme ni päl bääta, ki ŋäädhe ki mëër na en jï Krictø Jecu.