Aydheea 63:5 - Wëël Jwøk

⁵ Aana rääŋö, 'ba bäŋ dhaanhø mo oö kuna kunynye, ni thäŋ yia kiper mana tïme ni bäŋ dhaanhø mo oö kuna køny kööra; kiper manøgønø, bada na teek aana pieme, ni ö wëërri mara ni cwak aani.

Aydheea 63:5 Iomraidhean Croise

Aydheea 40:10

Raŋŋu, Kwäärö Wuuö Jwøk öö ki teek mo dwøŋ, ni teek bade beeye noo käär piny ki gø. Raŋŋu, eni öö ni käära jøøa ööle kiperge, ni beege jiy moa joode ni wø cäädhi nyïme.

Aydheea 41:28

Aana rääŋö, 'ba bäŋ aciel mo jaal dhee. Bäŋ aciel dï juu moøgø mo cïpi ka acaara, ni bäŋ aciel mo oløk pïëc jïra kany wø pëënynya geni.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 63:3

Ni løk gø, ni «Aani, wïth juurre anyøra kaawat man wø nyør nyïïomøki yi buur-biic; ni bee a keera ni bäŋ dhaanhø mo okøny aani. Gena nyøra ki gootø mara, ni cwödha ge ki tieta ki wëër mara; ni ö remø marge ni neeker ra abïïna, ni put dëër abïïna bäre gääbö ki gø.

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Jøøn 16:32

Da kany mo öö, ni beeye ennø møn, kanyo keethu noo ö ŋati man nø noo aa paare, ni weyu aani keera. 'Ba a ba dööŋ a keera, kiper Wuuö ena buuta.

1 Körin 1:24

'Ba ki jï jøøa näk ocwølø, na näk jø Juuth këël jø Gïrïïk, beeye Krictø na näk teek Jwøk, ni näk leec wï Jwøk.