Aydheea 63:18 - Wëël Jwøk

¹⁸ Kiper kar bëëtö marï na en kur keere abëëdö ni ena ceŋ jiyï na en kur keere ki kany mo thiinh, 'ba ennø, nyïïmänwa aöö ni raanyge gø, ni nyørge gø ki tietge.

Aydheea 63:18 Iomraidhean Croise

Dut Pwøc 79:1

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 63:19

Waana tïmö kaamar jiy mo ge kär bëëdö tierï, mo ge kär cwøl ri nyeŋŋï.

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Aydheea 64:9

Wui Wuuö Jwøk, kär wëër marï wëëk pöödhö døc bäätwa; kär japa reyø na tïïcwa lääŋŋï këël aŋuudi. Wui, beerra man raŋï wa, kiper waani bëët, waana jiy moï.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Wëël Kïmmö 1:10

Nyimän cere akïth baŋ jammi mo Jerucalem moa perge leth. Eni na Jerucalem wïth juurre ajoode ni dønynya kuna tukge øt lam mare na en kur keere, jøøa kööm Wuuö Jwøki ni kärge døny ya acooŋ jiye.

Wëël Kïmmö 4:1

Aŋø, warkey otïmö ni cøl nidïï; Aŋø, warkey mana tøŋ ree ee wiilø nidïï! Gïïa beyø na geer Øt Jwøk ki ge, aøc piny këël mana pïïcge nyeŋ jïëthe.

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Daniel 8:24

Eni teek mare tïmö ni dwøŋ døc, 'ba paa teek mare ki dëëre. Eni, räänyö mo dwøŋ tïïe tïïö, ni ö gïn wø tïïe jaak ni thur kare. Eni jiy moa teek, këël ki jic Jwøk raanynye raanynyø.

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Amøc 7:9

Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Mathiew 24:2

Ni dwøk gø jïge, ni «?Gïïögø bëët ajootu? Adïëri møn a cäänna uuni, otïmö ni bäŋ kïdi aciel kany mo dööŋ bäät watge ni ba leeŋ piny.»

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Tiet Ciik 26:19

Ni kööe ni uuno tïïe nou ena maal wïth juurre bëët moa cwääe, ni tïmu ni uuna jiy mo di pwøø, mo nyeŋŋu ŋäc, mo di wøørø, ni uuna jiy mou ena kur keerge jï Wuuö Jwøk na näk Jwøu, kaawat mana caan gø.»

Tiet Ciik 7:6

Gïïögø bëët dou tïïö kiper uuna jiy mo ena kur keerge jï Wuuö Jwøk na näk Jwøu. Wuuö Jwøk na näk Jwøu uuna jiere nou tïmu ni uuna thööge dï jiy bëët moa en bäät piny.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.