Aydheea 63:17 - Wëël Jwøk

¹⁷ ?Wui Wuuö Jwøk, aŋø na tïïyï wa nee wa gaawa wøk ki uutjïëthe moï, ni døøyï cwïnywa mo teek nee wa ba lwäärwa ki ïïni? Luu nyïmï baŋwa, wa na jiyï, wa na wï tuuŋa näk thööŋŋï.

Aydheea 63:17 Iomraidhean Croise

Bwøth Wøk 11:10

'Ba Modhe ka Aran gïï mo rëëma ec moøgø atïïcge nyïm Peerø; 'ba Wuuö Jwøk cwïny Peerø poot døøye mo teek, ni ö Peerø ni män jø Icriel ki man aacge paare.

Bwøth Wøk 4:21

Ni cäŋ Wuuö Jwøki köö jï Modhe, ni «Kanyo døøï Ijep, nyuuthe bëët moa cïba teek marge jïrï nee tïïyï, wär tïïyï nyïm Peerø; 'ba aani cwïny Peerø odøøya mo teek nee jø Icriel mäne ki man aacge.

Aydheea 19:25

Wuuö Jwøk, eni na wïth jammi bëët, geno gwïëdhe ni kööe, ni «Gwïëth en jï jø Ijep, ge na jiya, ki jï jø Aciria na tïïa ki cera, ki jï jø Icriel na näk yaa jierø na 'moa.»

Aydheea 29:13

Kanyøgø Wuuö Jwøk aköö, ni «Jøøi ii, gena ö kany mo cään ki aani ki dhøkge jaak, naa wøørge ka lëëpge, 'ba cwïnyge karge bäär ki aani, ni jöör lam marge tïïcge ka køør ciik moa tïïc jiyi.

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 30:28

Dwør jwïëy mar jam dhee lwör kaamar naam mo pänhnhö, mo päŋ ni ena cwaak. Eni wïth juurre di jierø kaawat man wø pëëdhö ki luul, ni kïth dhøkge ki nywïëny dho okweeny man pee geni kar ränynyö ki gø.

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Wëël Kïmmö 3:9

Eni uutjïëthe 'moa acïëge ki kïte mo døøŋŋø, ni tïïc waŋjöö mara no oköömmö.

Edhikiel 20:26

gena tïïa nee tïmge ni ge ba waany ki køør mana ö obwöre moge bëët moa näk kaai ni waaŋge ge ki maac ni ge cïpa ge no olämme. Ni manøgø a wëëga ge ränynyö, kiper nee ŋäcge ni bee aani na Wuuö Jwøk.›

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Kwään Jiy 10:36

'Ba kany wø cuŋŋe yie, eni wø köö, «Awuuö Jwøk, duu baŋ jø Icriel moa näk kum kum.»

Jøøn 12:40

ni «Nyeŋge awëëk Jwøki cøørø, ni tïïc cwïnyge ni teek, kiper nee ba neenge ki nyeŋge, ni ba kwanyge tier gø ki cwïnyge, nee rege ba cäŋge luu baŋa nee ge kønya.»

Tiet Ciik 2:30

'Ba Cëëwön nyeny Ëcbön kär jïëy ki man pöödhø ki dï paare, kiper Wuuö Jwøk na näk Jwøu wï Cëëwön nyeny Ëcbön adøøc mo teek, ni tïïc cwïny gø ni teek, kiper nee eni cïp ceŋŋu, kaawat man bëëde dïcäŋi en.

Jøcua 11:20

'Ba beeye Wuuö Jwøk na tïïc cwïny jøøgø ni teek, nee öge baŋ leny ki jø Icriel, nee wïthge put dïïr na bäre bäre ni bäŋ bäth ec mo onyoodhø jïge; 'ba wïthge aput dïïr, kaawat mana ö Wuuö Jwøki na kööm Modhe.