Aydheea 63:14 - Wëël Jwøk

¹⁴ Gena mooc Jwïëc Wuuö Jwøki ki jwöm kaamar lääc paac mo cøøa yi gool.» Wui Wuuö Jwøk, manøgø beeye jöö mana bwøthï jiyï ki gø, na tïïyï nyeŋŋï nee bëëde ni di jiemø.

Aydheea 63:14 Iomraidhean Croise

2 Camiel 7:23

?Aŋø, da wï jur bäät piny kany mo caala jiyï ma jø Icriel? Kiper beeye ï na Jwøk marwa na ö baŋ jiyï ma jø Icriel, ni kälï wa wøk ceŋ jø Ijep, nee wa bëëtwa na jiyï, ni tïïyï nyeŋŋï nee wïnye. Ïïna tïïö ki gïï mo døøŋŋø mo di lwäärö dëët wïth juurre ki juu moge, ni riemï ge wøk nyïmwa, wa na jiyï.

1 Luup Nyeye 29:13

'Ba ennø, ï na Jwøwa, wa dwøga met ec jïrï, ni wa pwøya nyeŋŋï na näk nyeŋ ajiem.

Neemiya 9:5

Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 63:12

?Age eni na jääŋ bade na teek na näk bada ajiem bäät cer cwïï Modhe? ?Age eni na pääŋ pïï ki dïëre nyïmge, na tïïc nyeŋŋe nee bëëde ni ŋäc na bäre bäre?

Jeremaya 32:20

Ïïna tïïö ki nyuuthe ki gïï mo rëëma ec yi ŋööm Ijep, ni ï wø poot tïïö ki nyuuthe yi ŋööm Icriel ki dï jiy ma teeŋi këël dïcäŋi en, ni tïïyï nyeŋŋï nee wïnye kaawat man bëëde dïcäŋi en.

Agëë 2:5

'Ba ena cäŋ köö, ni ‹Manøgø beeye luumma tuuda ki uuni kanya ööu wøk ki Ijep. 'Ba jwïëy 'moa poot bëëdö ki uuni. Käru lwäyö.›

Kwään Jiy 14:21

'Ba ka adïëri møn, kaawat man bëëda naa kwøw en, a na Wuuö Jwøk, ajiem mara bäät piny bäre opääŋe.

Kwään Jiy 9:23

Ki køør dwør Wuuö Jwøk ge wø tïïö ki twëëre, ni tïŋge thuwø ki køør dwør Wuuö Jwøk. Geni dwør Wuuö Jwøk agwøkge kaawat mana ö Wuuö Jwøki na kööm geni ki ri Modhe.

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Tiet Ciik 32:12

Beeye Wuuö Jwøk keere na bwøth geni, ni bäŋ jwøk mør mo ena buutge.

Jøcua 21:44

'Ba kaawat mana nø ö Wuuö Jwøki na kööŋe jï kwäcge, gena put mooc ki jwöm këël deŋ ŋöömö marge bäre, ni bäŋ dhaanhø aciel mo omaar cuŋŋö nyïmge røk nyïïmänge bëët kanya näk ri leny; ni ö Wuuö Jwøki ni put nyïïmän moge bëët cïp ceŋge.

Jøcua 22:4

'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

Jøcua 23:1

'Ba kanya nø tïme na køør cwiiri møøk, ni Wuuö Jwøk jø Icriel ee nø mooc ki jwöm, ni bäŋ leny këët yïthakicge ki nyïïmänge bëët moa en deŋ ŋöömö marge bäre, ni Jøcua onø jalø ni cwiiye oløny ni thööth døc,