Aydheea 63:11 - Wëël Jwøk

¹¹ Køøre geni, ge na jic Wuuö Jwøk, wïthge aparge ki nïne moa pöödhö mo Modhe, ni köge, na «?Age Wuuö Jwøk na tïïc jiye nee pööthge ki yi naama dwøŋ, ge ki dïbwödhi marge? ?Age eni na cïp Jwïëy moe na en kur keere bäätge?

Aydheea 63:11 Iomraidhean Croise

Neemiya 9:20

Ni ö jwïëy moï na beyø ni bëëde bäätge ni pwönynya geni, ni ö møø marï mana cwøl ni meena ni kärï gø paanyø dhøkge, ni mooyï geni ki pïï kiper riew marge.

Bwøth Wøk 14:22

Ni ö jø Icrielli ni cørge dï naam ni ge cäädhi ki kanya no otal, ni pïï cuŋŋi kaamar dëër øtø bäät cämge ki bäät cwïcge.

Bwøth Wøk 14:30

Dïcäŋeca Wuuö Jwøk jø Icriel akønye ceŋ jø Ijep, ni ö jø Icrielli ni jootge dëët jø Ijep moa no othøw deŋ Naama Kwaar.

Aydheea 43:16

Man bee dwør Wuuö Jwøk, eni na tïïö ki jöö mo cøra dï naama dwøŋ, ni beeye jöö mo cøra dï pïï mo kwödö ni teek,

Aydheea 63:10

'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Jeremaya 2:6

Geni, ge kär pëëö, ni ‹?Wuuö Jwøk en kaa, na käl øøni wøk ki yi ŋööm Ijep, na bwøth øøni ki dï paap, yïth pwöle mo otal mo ocöötö ki kääk, yi ŋöömma näk yie da meel na kany mo cøl ma kar thøø, yi ŋöömma näk bäŋ ŋat mo cør yie, na näk bäŋ ŋat mo bëëde yie?›

Daniel 4:8

'Ba ka aŋuudi, Daniel, ni wø nyeŋŋe cwøl ni Belthacacör ki køør mana caa nyeŋŋe ri nyeŋ juu 'moa, eni na jwïëc juu mo ena kur keerge ena bääte, ena ö nyïma, ni caana lääk jïre ni kööa,

Odheea 12:13

'Ba jiy moa öö ki ree, ni beege jø Icriel, gena käl Wuuö Jwøki wøk ki Ijep ki ri nyikuŋ Jwøk. Gena gwøk Wuuö Jwøki ki ri nyikuŋ Jwøk.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Agëë 2:5

'Ba ena cäŋ köö, ni ‹Manøgø beeye luumma tuuda ki uuni kanya ööu wøk ki Ijep. 'Ba jwïëy 'moa poot bëëdö ki uuni. Käru lwäyö.›

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

Kwään Jiy 11:17

Køøre aano ö piny ni cääna ki ïïni kaace, ni lwöta ri Jwïëc Jwøk na en bäätï ni kïtha gø bäätge; ni ö geni ni käärge jiy na aciel ki ïïni, ni ba käära ïïni keerï këët.

Kwään Jiy 11:25

Ni ö Wuuö Jwøki ni put ö piny ni ena yi pöölö, ni cääne ki Modhe, ni lwöte ri Jwïëc Jwøk na en bäät Modhe, ni kïth gø bäät jø døøk Icriel moa näk pïërabïriiø. 'Ba kanya ö Jwïëc Jwøki bäätge, dwør Jwøk aputge køp. 'Ba køp dwør Jwøk kärge nwøø këët.

Kwään Jiy 11:29

'Ba aløk Modhe jïre, na «?Aŋø ni tïme ni këëö ïïni na kara en? Kiper doo beer ki man ö jic Wuuö Jwøki bëët ni tïmge na nyïïkuk Jwøk, ni ö Wuuö Jwøki ni kïth jwïëye bäätge.»

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

Pïëmme 6:13

'Ba Gidien aköö jïgø, ni «Wui kwäärö, ?dee na Wuuö Jwøk bëëdö ki waani cøøn, gïï bëët ii, a dige tägö dëëtwa nidïï? ?Këël gïï mo rëëma ec moa tïïe bëët, moa caan wëëkwa jïwa na köge, ni ‹Wuuö Jwøk øøna käl wøk ki Ijep,› gïïa näk rëëma ec moøgø enge kaa ennø? 'Ba ennø møn, Wuuö Jwøk waana nø wiie ni cïp waani ceŋ jø Midien.»