Aydheea 63:10 - Wëël Jwøk

¹⁰ 'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Aydheea 63:10 Iomraidhean Croise

Wïlöölö 6:6

Ni ö Wuuö Jwøki ni päth cwïnye døc kiper mana cwääc dhaanhø bäät piny, ni bëëde ni cwïnye kïmmö.

2 Luup Nyeye 12:2

'Ba kiper mana wecge Wuuö Jwøk, kanya tïme na ri bïï cwiiri moa beet nyeya ma Reeyöbömmi ni ena nyeya, Cicak nyeny Ijep aöö ni këëde ki jø Jerucalem,

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Neemiya 9:29

«Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Bwøth Wøk 15:24

Kanyøgø jø Icriel aŋurö ki nyeŋ Modhe, ni köge, na «?Agïnaŋø noo maathwa nø?»

Bwøth Wøk 16:8

Ni cäŋ Modhe köö, ni «Beeye Wuuö Jwøk noo mooc uuni ki rïŋö man cammu ka abøøya, ki møø man jäŋŋu ki gø ka amöölla. Kiper eni na Wuuö Jwøk ŋurö mana ŋuru dëëre ki gøøni awïnynye. ?Aŋø, waana ŋaani cøøn? Ŋurö maru ba en bäätwa, 'ba ena bäät Wuuö Jwøk.»

Bwøth Wøk 23:21

Gwøgu rou nyïme, ni leŋŋu dwøre. Käru kweer ki mare, kiper eni gïïo baayu ba wëënne, kiper gïno tïïe, otïïe ki nyeŋŋa.

Bwøth Wøk 32:8

Gena laar gaa wøk ki øtjöö mana köömma geni ki gø, ni tïïge ki gïn mo oleenyø mo caala nyirøøa kiper dëëtge, ni wøørge gø, ni cïpge ko olämme jïgø, ni köge, ni ‹Wui, jø Icriel, moi beege juu mou na käl uuni wøk ki yi ŋööm Ijep.› »

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 63:11

Køøre geni, ge na jic Wuuö Jwøk, wïthge aparge ki nïne moa pöödhö mo Modhe, ni köge, na «?Age Wuuö Jwøk na tïïc jiye nee pööthge ki yi naama dwøŋ, ge ki dïbwödhi marge? ?Age eni na cïp Jwïëy moe na en kur keere bäätge?

Aydheea 65:2

Cääŋŋe bëët, a bëëdö ni ceŋŋa yaa thaaŋø baŋ jiy moa wïthge teek, jø wø caath uutjïëthe mo ba beyø, ni wø bëëdö ni ge cäädhi ka køør acaare moge keerge.

Jeremaya 21:5

Ni ööa ki dëëra ni rwiea cera bäätu ki køør teek bada, ni këëda ki uuni ni aano wëër ki wëër mo dwøŋ mo liel kaamar maac.

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 32:30

«Ka adïëri møn, jø Icriel ki jø Juuda bëëdö ni ge tïïya gïï mo nëëni ni reyø keerge ki jïra, ni tägi ki kanya täkge bëëtö cøøn; kiper geni, ge bëëdö ni ge raanynya cwïnya keere ki køør gïï wø tïïcge.

Wëël Kïmmö 1:18

«Wuuö Jwøk mare beeye adïëri, kiper aana bëëdö naa gëëmö ki ciik moe. U na wïth jiy bëët, ennø, wïnynyu, ni neennu gïïa leth na jwøra. Jø leny 'moa moa dëëtge teek ki nyïïakuue 'moa, amak ki tøŋ.

Wëël Kïmmö 1:20

«Wui Wuuö Jwøk, neenï, a ena yïth gïï mo leth. Jwïëya bëëdö ni kïmmö døc, ni bëët cwïnya no opädhö, kiper aana bëëdö naa gëëmö døc. Opëëllö bëëdö ni nääö wøk nyeŋ jïëthe, ni bëët yïth uudi na thøø keere.

Edhikiel 16:43

« ‹'Ba kiper mana bëëdï ni wïïï kärï parø ki nïr thïnhö moï, ni tïmï niï wëëga aani gootø ki jammi moøgø bëët, ka adïëri møn, gïïa tïïyï bëët dwøga wïïï. Luummögø caana aani, a na Kwäärö Wuuö Jwøk. ?Aŋø, bëët käp marï kärï cäŋ meet bäät japa reyø møga bëët na näk yia raac ki ge na tïïyï?

Edhikiel 2:3

Ni kööe jïra, ni «Wär dhaanhø, a jääŋŋa ïïni baŋ jø Icriel, ge na jø ageem na gëëmö ki aani; geni ki kwäcge gena bëëdö ni ge bääö dëëra këël dïcäŋ man.

Edhikiel 2:7

'Ba luup 'moa wär caanï jïge, kiper gena jø ageem, këël mo ge kweer wala ïthge cekge ciiø.

Edhikiel 20:13

« ‹'Ba jø Icriel gena cäŋ gëëmö ki aani dï paap. Gena kweer ki man cääthge ki køør luup 'moa, ni wecge ciik 'moa, ni beege gïïa doo cïpö ki kwøw jï ŋato kïth ge bäät tïïc, ni ö geni ni putge cääŋŋe 'moa mo jwöm päät døc. Kanyøgø aana köö ni wëër mara kønynya bäätge nee wïthge puta dïïr dï paap.

Edhikiel 20:21

« ‹'Ba obwöre moge gena gëëmö ki aani thuwø. Ge kär cäädhö ki køør luup 'moa, ni kärge wïthge caarø ki man kïthge ciik 'moa bäät tïïc, ni beege gïïa doo cïpö ki kwøw jï ŋato kïth ge bäät tïïc; ni ö geni ni putge cääŋŋe 'moa mo jwöm päät. Kanyøgø aana köö ni wëër mara ni wø liel kaamar maac kønynya bäätge nee wëër mara put røm dëëtge dï paap.

Edhikiel 20:8

« ‹'Ba gena tïmö ni marge ageem ki aani ni kweerge ki man cekge ïthge ki luumma. Japa reyø ni wø wøørge kärge wetø, ni kärge kït gïï wø lam mo jø Ijep wiiø. Kanyøgø aana köö ni wëër mara ni wø liel kaamar maac kønynya bäätge nø, nee wëër mara put røm dëëtge dï ŋööm Ijep.

Edhikiel 6:9

'Ba jiy moo bøth, wïthge oparge ki aani kanyo enge yïthakic wïth juurre moa mak geni ki tøŋ. Geni wïthge oparge ki kanya bëëda ni cwïnya ege raanynyø ki køør mana bëëtge ni cwïnyge lääŋŋa käp, na pää geni ki aani, ki køør mana bëëtge ni nyeŋge ege peerø køør käp mana wara tïïcge ki kït gïï wø lamge. 'Ba geno männi ki dëëtge keerge ki køør japa reyø na bacge, ki japa näk yia raac ki ge bëët na tïïcge.

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.

Moa Tïïc Nyïïatwieli 7:42

'Ba Jwøk ree aløøe ni wëëk geni lam gïïa thööth na en maal, kaawat mana gööri yi wëël nyïïkuk Jwøk, «na ‹?Aŋø, u na jø Icriel, olämme ki muuce moa cïïmmu ki yïth cwiiri moa näk pïëraŋween dï paap, cïpu jïra na bëëde?

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

Tiet Ciik 1:26

«'Ba yïthu atïmö ni teek ki man cou yie, ni kwierru luum Wuuö Jwøk na näk Jwøu.

Tiet Ciik 9:7

«Ba caarru wïthu ni ba wïl wïthu ki mana cwaatu yi Wuuö Jwøk na näk Jwøu këël mana wëëre ki uuni dï paap. Ki mana täge ki dïcäŋa ööu wøk ki yi Ijep këël mana pïïyu kany, uuna bëëdö nou gëëmö ki Wuuö Jwøk.

Jøcua 22:15

'Ba jøøa jääŋŋi yøø, gena ci yi ŋööm Gelät baŋ jø tuuŋ Ruben, ki jø tuuŋ Gaat, ki thääŋ tuuŋ Maneeca, ni cäänge ki geni ni köge,