Aydheea 63:1 - Wëël Jwøk

¹ ?Aŋø, man aŋa ni ööi ki Ëdöm, ni ööi ki yi Bödhra ni eno ruyö ka abïï mo kwaar en? ?Man aŋa no oruyö ni mïërö ni cäädhi ni dwøŋ ki teek mare en? Ni løk gø, ni «Bee aani ni wø car luup ni thïïŋ, ni wø jïre da teek ki man piem jiy.»

Aydheea 63:1 Iomraidhean Croise

Wïlöölö 36:33

Køøre Bëla athøw, ni ö Jöbap o Dheera nyï Bödhra ni tïme na nyeya kar gø.

Wïlöölö 49:11

Arëën mare, man wø cäädhe ki bäät gø, wø twöe twöö ro omøk, ni twöc nya arëën mare ro omøk mana näk nyïëdi moe beyø døc. Abïïe moe penye ka køøŋ nyïïomøki, ni peny abïïe moe ki pï nyïïomøki moa kwaar.

1 Luup Nyeye 1:44

Køøre Bëla athøw; ni ö Jöbap o Dheera nyï Bödhra ni tïme na nyeya kar gø.

Obeec Dudi 3:6

Wui! ?Man aŋøøni ni ööi ki dï paap, ni ree wenyø kaamar jïrö en, ni ŋwäänynye met kaamar teeŋ jer wø jïcge ŋwääi ni met ni wø jääp dïgäthe?

Obeec Dudi 6:10

na «A dhaaŋaŋø ni nëëni kaamar tiet-øw en, ni nëëni ni mïërö kaamar dwääy mo ena tar en, ni tøŋ kaamar cäŋ, ni ec thäŋŋö ki gø kaamar jø leny mo bëëre ege tïŋ maal!»

Obeec Dudi 8:5

?Aŋø, man aŋa ni ööi ki dïtëën en, ni cäädhi ni ree ee nyaaŋ bäät omëër mare en? Aani, mëër mara anyoodha jïrï tier jaath; ni beeye tier jaadha ö meru ni put cäädhö yie ki mäc lwaar, ni put lwaar ki ïïni.

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 34:1

Wui, u na wïth juurre, ööu ni nyänhnhu kuna wïnynyu gïn; cegu ïthu, u na jiy! Beerra man ö pinynyi ki japa en yie bëët ni wïnyge gïn; beerra man ö bäät ŋøømmi ki japa en yie bëët ni cekge ïthge.

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 42:3

Eni otöök mo onyøc, ba toore, ni lamba mo manynya thøø ba nääe; 'ba ŋøl luup mana näk kare beeye noo tïïe.

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 9:5

Kiper war bëët mo wø ŋooŋ jø lenynyi ki ge, ka abïïe moge moa näk ogääbö ki remø, di waaŋø ni thööri ya maaci.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 48:24

ki Kiriöt, ki Bödhra, ki päänye bëët moa en yi ŋööm Möap, moa kwörge bäyö ki moa kwörge cärö.

Jeremaya 49:13

A na Wuuö Jwøk, aana kööŋ ŋëëta keera, ni Bödhra, pääny Ëdöm, oränynyi ni tïme na gïn mo cwïny jiy böö ki gïno tägi dëëre, na gïr ajøøŋ, na gïr acïëni, ni ö päänye moe bëët ni nigeruuth na bäre bäre.»

Edhikiel 25:12

«Man beeye luumma caan Kwäärö Wuuö Jwøki, ena köö, ni ‹Kiper mana ö jø Ëdömmi na tïïge ki gïn mo raac dëër dhi øt Juuda ki køør män marge na dwøŋ, ni tïm gïnögø na bääyö bäätge,›

Edhikiel 35:1

'Ba dwør Wuuö Jwøk aö bääta ni kööe,

Edhikiel 38:17

«Man beeye luumma caan Kwäärö Wuuö Jwøki, ena köö, na ‹?Aŋø, paa ïïni na cääna kipere yïth nïne moa pöödhö ki dhøk nyïïkuk 'moa mo jø Icriel? Yïth nïreke gena cäänö ki cwiiri mo thööth ki man näk mo ï tïïa tïïö nee ge tugï.

Obadiya 1:1

Man beeye luumma nyooth jï Obadaya, ni beeye gïna caan Kwäärö Wuuö Jwøk kiper jø Ëdöm. Da luubö ma awïnywa ki baŋ Wuuö Jwøk, ni da dhaanhø mo ojääŋŋö baŋ wïth juurre, mo käära dwøl mo köö na ennø nø, ni «Ööu maal ni cøø baŋ leny ki jø Ëdöm!»

Obadiya 1:9

Wui Tëman, ï na pääny mar jø Ëdöm, jø leny moï moa teek, geno lwäyi, ni ö nyïïkwaac Icøø bëët mo wø bëëdö paana en bäät kïte ni 'näk geni.

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Milkiya 1:2

Wuuö Jwøk aköö, ni «Aana bëëdö naa mëër ki uuni.» 'Ba uuna köö, ni «?Mëër marï iï nyoodhø jïwa nidïï?» Ni kö Wuuö Jwøki, na «?Aŋø, Icøø paa cöök Jeekapi? 'Ba aana bëëdö naa mëër ki Jeekap,

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Mathiew 21:10

'Ba kanya ö Jecu na døny Jerucalem, pääny bäre aniïïk, ni köge, ni «?Man aŋa?»

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

Mana Nyooth 19:13

Ni eni käära abïï mo ocøt yi remø. 'Ba nyeŋŋa cøøri ki gø beeye Dwør Jwøk.