Aydheea 62:9 - Wëël Jwøk

⁹ 'Ba jiy moo cooŋ beel, beel camge camø, ni pwøcge aani, a na Wuuö Jwøk, ni jiy moo cooŋ nyïïomøki, kwøk nyïïomøki omaathge yi kal mara na en kur keere.»

Aydheea 62:9 Iomraidhean Croise

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Aydheea 65:21

Geni, ge gëëdö ki uudi, ni bëëtge yïthge, ni pïïthge ki jer omøki, ni camge nyïïge.

Aydheea 65:22

'Ba uudi moo geerge ba beet jø møøki, ni nyïïjenni moo piithge ba cam jø møøki. Kiper cwiiri mo jiya otïmö ni thööth kaamar cwiic jaath, ni ö jiya na näk yaa jierø ni mïn yïthge ki gïïa tïïcge ki ceŋge.

Jeremaya 31:5

Uuno cäŋ pïïdhö ko omøki bäät thuuri mo Cameria; ni jøw pïïdhö, nyïï gïïa piithge ocamge.

Edhikiel 40:14

Køøre eni yi-kal mana en dïër arøme ki deŋ gø bäre këël mana këët yi-øtø mana en nyïm na dïët ki dï käl, ni tïme na gööye ma pïërabïciel.

Jool 2:26

Køøre, uuni, u cämö ki cam mo päl, ni jäŋŋu, ni pwøyu nyeŋŋa, a na Wuuö Jwøk, Jwøk maru, a noo tïïc gïn mo rëëma ec jïïu. Køøre u na jiya, wïthu ba lääy këët na bäre bäre.

Dhekaraya 3:7

ni «Man beeye luumma caan Wuuö Jwøki, eni na wïth jammi bëët, ena köö, ni ‹Ni näk miï cäädhö ki uutjïëthe 'moa, ni tïïyï tïïe 'moa, øt lam mara ki yïth käälle moe bëët cïba cerï, ni raŋŋï jammi mo wø tïïc yie bëët; ni jaba jöö jïrï ki man cuŋŋï nyïma kaamar jøøi ni cuŋŋi kany ii.

Tiet Ciik 12:12

'Ba yïthu doo mïnnö nyïm Wuuö Jwøk na näk Jwøu, uuni ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni, jøøa näk bäŋ ŋöömö moo dööŋ jïge na kurge yïthakiyu.

Tiet Ciik 12:7

'Ba kaace ŋati man nø dëëtu ki jø paare ge doo cämö nyïm Wuuö Jwøk na näk Jwøu, ni mïn yïthu ki køør tïïe mou bëët moa ö Wuuö Jwøki na näk Jwøu na gwïëth uuni ki ge.

Tiet Ciik 16:11

Ni mïn yïthu nyïm Wuuö Jwøk na näk Jwøu, yi kanyo jier Wuuö Jwøki na näk Jwøu noo caa ri nyeŋŋe, ni beeye uuni ki wäätu ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo bëëdö ka uuni.

Tiet Ciik 16:14

Ni mïn yïthu ka ajwömmögø, ni beege uuni ki wäätu, ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo wø bëëdö ka uuni.