Aydheea 62:8 - Wëël Jwøk

⁸ 'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 62:8 Iomraidhean Croise

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 54:9

«Kiper manøgø, gïno tïïa otïmö ni caala nïr Nöa, kanya kööŋa ni pïï kär ö piny këët na jwïïö. Kaawat manøgø thuwø, ennø, aana kööŋ naa ba gooti këët ki ïïni, wala man cäänna ïïni ki luubö mo teek.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Jeremaya 31:5

Uuno cäŋ pïïdhö ko omøki bäät thuuri mo Cameria; ni jøw pïïdhö, nyïï gïïa piithge ocamge.

Jeremaya 5:17

Beel ki caammi mou otwierge ni thöörge geni; wäätu ki nyïïu onäkge ni thöörge geni; dïëk mou ki dhäk mou oŋaalge ni thöörge geni; omøki mou ko olämmi mou oraanyge ni thöörge geni; ni raanyge päänye mou moa no ogeerø ni teek ni wø ŋääthu yøø.

Edhikiel 20:5

ni caanï gø jïge ni man beeye luumma caan Kwäärö Wuuö Jwøki, ena köö, ni ‹Dïcäŋa jiera Icriel aana kööŋ jï nyïïkwaac Jeekap ni nyoodha raa jïge Ijep, ni kööa jïge, ni «Aani, aana Wuuö Jwøk, Jwøk maru.»

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Amøc 9:14

Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Tiet Ciik 28:30

«Dhaanhø mëëgö ki nyakøø nee nywøme, 'ba dïcwøø mør oci baŋ gø na dhaagø. Dhaanhø gëëdö ki øtø, 'ba eni ba bëëdö yie. Dhaanhø pïïdhö ki nyïïjenni, 'ba nyïïge ba came.

Tiet Ciik 28:31

Dhieŋ mar dhaanhø di ŋaalø nyïme ni nëënö jïre ki waŋe, 'ba rïŋ gø ba came. Arëën mar dhaanhø di kälö ki teek, ni ba duui jïre. Dïëk mo dhaanhø ocïp jï nyïïmänne, ni dööŋe jaak ni bäŋ ŋat køny eni.

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.

Tiet Ciik 32:40

Ka adïëri møn ceŋŋa ŋaaba maal, ni kööŋŋa ŋëëta keera, ni caana mara ni kööa,