Aydheea 62:6 - Wëël Jwøk

⁶ Wui Jerucalem, Wuuö Jwøk acïpö ki dïkuye bäät kiir marï, mo ge bëëdö ni ge rwääö ki yi cäŋ ki wäär bäre ni ge ba lïŋi. 'Ba uuni ni wø par wï Wuuö Jwøk, kär dee jwöm mo tïïyu kiper dëëtu,

Aydheea 62:6 Iomraidhean Croise

Wïlöölö 32:12

'Ba ï na Jwøk, ïïna köö ni bëëtö mara tïïyï tïïö ni beer møn, ni tïïyï kwään nyïïkwaaya ni thööth kaamar nyeŋ akwöny naama dwøŋ ni ba thum ki kwaan.»

Wïlöölö 32:26

Køøre ŋatøgø aköö, ni «Wec aani na aa, kiper kar øw aløny ni cään.» 'Ba Jeekap aköö, ni «Ba løny ki man wiia ïïni niï aaï, këël mano gwïëthï aani.»

2 Luup Nyeye 8:14

'Ba Cølöman ki køør ciik mo wänni ma Deebit, dïlämme acïïmme na dhøgi bäät tïïe moge; ni cïïm jø tuuŋ Libay na dhøgi kiper tïï dwøk pwøc ki køny dïlämme ki tïïc ki køør ciik moa näk ocïp piny kiper yi cäŋ cooth; ni cïïm jø koor dhøk kal na dhøgi bäät dhøk kal bëët, ki køør mana caan Deebiti na näk dhaanh Jwøk.

Obeec Dudi 3:3

'Ba jø wø kurö ni ge wïdö dï pääny, aana jootge; ni puta ge pëënynyö ni kööa, ni «?Ŋata mëëra ki gø ki cwïnya ajootu?»

Obeec Dudi 5:7

'Ba jø koor mo wø kurö ni ge wïdö dï pääny, ni beege jø wø koor kiir, aana jootge ni putge aani pwöt, ni moocge dëëra ki ŋwiili, ni kälge aleeŋŋa mara ni aacge ki gø.

Aydheea 43:26

Par wïïa ki japa no opöödhö, ni carø luup 'moø na aciel. Caan luubö marï nee ŋäc ni marï adïëri.

Aydheea 49:16

Ka adïëri møn, nyeŋŋu agööra thäc ceŋŋa, ni kiir pou ena nyïma cooth.

Aydheea 52:8

Cegu ïthu! Dïkuye mou ge kwöŋŋö; ge kwöŋŋö ki met ec ge bëët, kiper jootge joodø ki nyeŋge kiree kanyo ö Wuuö Jwøki noo duu yi Dhayan.

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Jeremaya 14:21

Kär wa jarï, kiper nee nyeŋŋï ba ränynye; kär niï tïïya kar ajiem wälu marï nee jøøŋŋe; 'ba beerra man lääŋŋï luumma tuutï ki waani, ni ba raanynyï gø.

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Wëël Kïmmö 5:1

Wui Wuuö Jwøk, par wïïï ki gïna pänh bäätwa; raŋï, ni neenï ajøøŋ mana jøøŋ wa ki gø!

Wëël Kïmmö 5:20

?Aŋø ni wïl wïïï ki waani cooth en? ?Aŋø ni weyï waani ki kany mo bäär en?

Luk 18:39

'Ba ena jook jøøa en nyïm, ni ge caana gø jïre, nee lïŋe. 'Ba beeye mana rëëde døc nø, ni «Nyikwaar Deebit, køny canna!»

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 10:4

Ni raŋ jïgø ni cwïnye obwøk. Ni kööe, na «?Agïnaŋø, Kwäärö?» Ni kö nyïïatwielli jïre, ni «Lam marï ki muuce moï apïï maal na ŋïï nyïm Jwøk.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

1 Thecalönika 5:17

Ni lämu cooth.

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»