Aydheea 62:2 - Wëël Jwøk

² Wui Jerucalem, bëënynyö marï ojoot wïth juurre, ni ö ajiemmi marï ni jooti ya nyeye bëët; ïïno cwøl ki nyeŋ mo nyään, ni beeye nyeŋ mano cur dhi Wuuö Jwøk.

Aydheea 62:2 Iomraidhean Croise

Wïlöölö 17:15

Køøre Jwøk aköö jï Eeberam, ni «Caray na näk cïïï, kär cwølï këët ni Caray, 'ba nyeŋŋe ocwøl ni Ceera.

Wïlöölö 17:5

Nyeŋŋï ba cwøl na Abram këët; 'ba nyeŋŋï ocwøl ni Eeberam, kiper ï tïïa tïïö na kwar wïth juurre mo thööth,

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 60:11

Dhøk kiir marï bëëdö no ojabø cooth, ni ba cïëgi ki dïcäŋ ki wäär, kiper nee wïth juurre jap kwär moge kälge jïrï, ni öge ki nyeye moge ni jøl geni.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 61:9

Nyïïkwaacge otïmö ni ŋäc ki yïthakic wïth juurre, ni ö obwöre moge ni ŋääi ki dï jiy. Jiy bëët moo joot geni putge ka ŋec ni beege jøøa näk yaa gwïëdhö, a na Wuuö Jwøk.»

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Aydheea 66:11

Kiper Jerucalem tïmö ni caala miiu; uuno dhøøth kööre ni jäŋŋu ki thunhnhe na beer; uuno mäthi ki caak moe ni mïn yïthu ki caage ni wø muuli ni thööth.»

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Moa Tïïc Nyïïatwieli 11:26

'Ba na joot gø, ena käl Antïëk. Ni cuŋge ka acooŋ Jwøk ki cwiir bäre ni pwönyge jiy mo thööth. 'Ba yi Antïëk beeye kanya kwøŋ bääŋi cak yie ni jø Krictø.

Moa Tïïc Nyïïatwieli 26:23

ni beeye ni Krictø gïï mo leth jwøre jwørø, 'ba kiper mano tïme ni bee eni noo kwøŋ duu wøk ki yi thøø, eni luum tar købe købø jï jø poge ki juurre bëët.»

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.