Aydheea 62:10 - Wëël Jwøk

¹⁰ U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Aydheea 62:10 Iomraidhean Croise

Bwøth Wøk 17:15

Ni ö Modhe ni tïïe ki gïn wø cïp olämme bääte, ni cwøl nyeŋ gø ni «Wuuö Jwøk beeye bëëra mara».

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 11:16

Kanyøgø otïmö ni da jöö mo dwøŋ man ŋun jiyi moe ki yie moa no odööŋ ni kwøw ya Aciria, kaawat mana tïïe kiper jø Icriel kanya öge wøk ki Ijep.

Aydheea 18:3

'Ba uuni bëët, u ni en bäät piny, ni bee u ki dëëtu ni wø bëëdö yie, kanyo ö ŋïï noo tïŋi maal ki paana en bäät kïte, oneennu, kanyo ö tuuŋŋi noo koodhi, dwøre owïnynyu.

Aydheea 19:23

'Ba dïcäŋeca, otïmö ni da waŋjöö mo dwøŋ yïthakic Ijep ka Aciria, ni tïm jø Aciria ni ge cøøa Ijep, ni ö jø Ijepi thuwø ni cige ya Aciria, ni tïm jø Ijepi ni ge lämö na aciel ki jø Aciria.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 35:9

ŋuu tïmö ni bäŋgø yie, ni bäŋ cwieny mo di joodø ni cäädhö yie. Lääy moøgø tïmö ni bäŋgø kaace, 'ba beege jøøa no owïïl wøk keerge noo cäädhi ki yie.

Aydheea 40:3

Da dwøl mo wïnyö mo cwödö, ni «Jiiŋŋu jöör Wuuö Jwøk dï paap, tïïu ki øtjöö dïtëën mo thïïŋ mo dwøŋ kiper Jwøk marø.

Aydheea 40:4

Beerra man ö aguule bëët ni thøri, ni ö kïte bëët ki thuuri ni dwøgi piny. Beerra man ö kwöra gwalli ni tïï ni pøøth, ni ö kwöra no opäny maal ni tïï ni ree ee päärö.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 49:11

Kwöra näk kïte bëët tïïa tïïö na nyeŋ jïëthe, ni ö nyeŋ jïëthe 'moa moa døøŋŋø ni thøri.

Aydheea 49:22

Man beeye dwøl mana caan Kwäärö Wuuö Jwøk, ena köö, ni «Ka adïëri møn, cera tïŋa maal bäät wïth juurre, ni tïŋa nyuudhi mara maal jï wïth juurre; ni öge ki wäätu ni käärge ka tiet jööthge, ni nyïïu käärge ka göökge.

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Aydheea 57:14

'Ba Wuuö Jwøk oköö, ni «Thørru jöö, thørru, ni jiiŋŋu gø, daagu jammi bëët mo wø cwany tiel øtjöör jiya.»

Aydheea 60:11

Dhøk kiir marï bëëdö no ojabø cooth, ni ba cïëgi ki dïcäŋ ki wäär, kiper nee wïth juurre jap kwär moge kälge jïrï, ni öge ki nyeye moge ni jøl geni.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 4:6

Tïŋu ŋïï maal mo nyootha ciin Dhayan, ni manynyu kar gwøk røk, kär nou dwiil. Kiper a kännö ki gïn mo leth ki wï-piny, ni beeye ränynyö mo päl.

Edhikiel 26:2

«Wär Dhaanhø, pääny Tayar aŋeethø bäät Jerucalem ni kööe, ni ‹Dhøk kiir mo wø duny wïth juurre yi Jerucalem ki yïthge atoor piny, ni dööŋge ni ŋaam jïra. Ennø, ena ränynyö, 'ba aani, a kwär nø.›

Mathiew 22:9

Kiper manøgønø, cou uutjïëthe, ni cwøllu jøw ojootu bëët nee öge kar cam nywöm.›

Ibaru 12:13

Ni tïïu ki uutjïëthe mo thïŋŋö kiper tietu, kiper nee ŋat wø kwömi nee waŋ ocwiie ba needunynya, 'ba nee bëënynye.