Aydheea 61:9 - Wëël Jwøk

⁹ Nyïïkwaacge otïmö ni ŋäc ki yïthakic wïth juurre, ni ö obwöre moge ni ŋääi ki dï jiy. Jiy bëët moo joot geni putge ka ŋec ni beege jøøa näk yaa gwïëdhö, a na Wuuö Jwøk.»

Aydheea 61:9 Iomraidhean Croise

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 30:27

'Ba Leeban aköö jïgø, ni «Ni näk mo yiï met ki aani ennø, beerra man bëëdï buuta, kiper ajooda ni Wuuö Jwøk aana gwïëdhe ki køørï.»

Aydheea 43:5

Kärï lwäyö, kiper a nut buutï; jiy moo käl riï tïïa tïïö nee öge ki jï løø kur tuul-cäŋ, ni cuuŋa uuni ki jï løø kur pänh-cäŋ.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 65:23

Geni, ge ba ööl këët ki gïn mo bäŋ tiere, no obwöre moo nywølge bäŋ gïï mo leth mo pïï dëëtge këët, kiper geno tïmö na jiy mo ogwïëth Wuuö Jwøki, ge ki nyïïkwaacge bëët.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Jeremaya 31:7

Kiper man beeye mana caan Wuuö Jwøki, ena köö, ni «Wärru ni yïthu met ni döötu ena maal kiper nyïïkwaac Jeekap, ni kwöŋŋu ki met ec kiperge, ge na karge dwøŋ dï wïth juurre, ni køpu pwøc maru ni kwayu Jwøk, nou köö, ni ‹Wuuö Jwøk, piem jiyï ma jø Icriel moa näk odööŋ ni kwøw.›

Dhekaraya 8:13

Wui, u na jø Juuda ki jø Icriel, kaa mana bëëdu ni uuno cienø dï wïth juurre, u piema piemø ni tïmu ni uuna jiy mo ogwïëdhö. Käru lwäyö; beerra man magu dëëtu ki tïïc.»

Milkiya 3:12

Ni cäŋ köö, ni «Juurre bëët oköö ni dëëtu gum, kiper mana bëëdu paac mo yïth jiy met ki gø.» Gïnögø caana Wuuö Jwøki, eni na wïth jammi bëët.

Kwään Jiy 22:12

'Ba Jwøk aköö jï Beelam, ni «Kärï aay ki geni, ni kär niï ciena jøøgø, kiper gena jiy mo ogwïëdhö.»

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»