Aydheea 61:6 - Wëël Jwøk

⁶ 'Ba ge na jiya geno cwøl na dïlämme mo Wuuö Jwøk, ni cøøri ya jiyi ni jø wø tïny Jwøk marø. Geno cämö ki jap kwär mo wïth juurre, ni jïëmge ki køør jammi moøgø.

Aydheea 61:6 Iomraidhean Croise

Bwøth Wøk 19:6

ni tïmu ni uuna dïlämme mo tuuŋ kwär jïra, ni uuna wï jur mo ena kur keere.› Moøgø beege luup moo caanï jï jø Icriel.»

Aydheea 23:18

'Ba jammi moo joode ki køør gath mare ocïp kur keerge jï Wuuö Jwøk. 'Ba jammi moøgø ba kan wala ba cïp piny ki man mëët bäätge; 'ba owëëk jiy mo wø bëëdö ni wøøra Wuuö Jwøk, nee tïmge na mo ŋeewge ki caammi mo orømø kiper dëëtge ka abïïga beyø.

Aydheea 54:3

Kiper piny omayï ni këëtï bäät cwïïc ki bäät caam, ni ö ŋøøp wïth juurre ni dööŋe jï nyïïkwaayï, ni bëëtge yïth päänye moa no odööŋ keerge.

Aydheea 56:6

'Ba wëëlle thuwø mo wø bëëdö no odwätö ki Wuuö Jwøk, ni wø tïny Wuuö Jwøk, ni wø mëër ki nyeŋ Wuuö Jwøk, ni wø wøør Wuuö Jwøk, ni beege jiy bëët mo wø gwøk cäŋ jwömö ni ba päätge, ni wø laar göök ri luumma tuuda ki jiy,

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Aydheea 66:21

Aani, a jëëdö røkge thuwø ki mo tïïö na dïlämme ki mo tïïya teeŋ tïïc mar jø tuuŋ Libay.

Jeremaya 33:18

Ni tuuŋ dïlämme ma jø dhi øt Libay ba doo can ki dhaanhø mo öa nyïma na ŋat wø cïp olämme mo wø waaŋ bäre, ki muuce mo beel, na ŋat mo jiiŋŋa olämme møga cooth.› »

Edhikiel 14:11

kiper nee jø Icriel tïmge ni wïthge ba løøge wøk ki aani këët, ni dëëtge ba raanyge keerge këët ki raay moge bëët. 'Ba geno bëëdö na jiy 'moa ni bëëda ni aana Jwøk marge.› » Luummögø caana Kwäärö Wuuö Jwøki.

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

1 Körin 3:5

?Aŋø, Apøla aŋa? ?Ni Pøøl aŋa? Waana jø tïïc ni beege jøøa jïëyu ni ŋäädhu ki køørge, kaawat mana ö Wuue na pääŋ tïïe jï ŋati man nø.

1 Körin 4:1

'Ba man en beeye mana doo caar dhaanhe kiperwa, ni waana jø wø tïny Krictø, na näk jøøa wëëk tïïe mo Jwøk na näk ee kwøŋ kan.

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

2 Körin 6:4

'Ba dëëtwa ewa nyoodhø ki yïth jammi bëët ni waana laaŋe mo Jwøk ki køør gïï wø leth døc wø jïënywa, teeŋ ka gïï wø pïï dëëtwa, ki caannø, ki rïm can,

Tiet Ciik 18:2

Ni ge ba doo jïtö ki ŋöömö moo dööŋ jïge dï jø poge. 'Ba beeye Wuuö Jwøk noo dööŋ jïge ni caala ŋöömma doo dööŋ na kurge, kaawat mana caan gø jïge.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Mana Nyooth 1:6

ni tïïc øøni ni øøna jø bura, na dïlämme jï Jwøe na näk Wänni. Enøgønø.

Mana Nyooth 20:6

Ŋato en ri duun wøk ki yi thøø mano kwøŋ tägö, gwïëth oen jïre, ni eni ena kur keere na mar Jwøk. Teeŋ jøøgø, thøw oen cään bäŋ teek jïre bäätge, 'ba ge tïmö ni gena dïlämme mo Jwøk ki Krictø. 'Ba geno bëënni ki eni na aciel ki cwiiri ma kuma.

Mana Nyooth 5:10

Ni tïïyï geni na jø bura na dïlämme jï Jwøk marø. 'Ba geno bëënni bäät piny.»