Aydheea 61:3 - Wëël Jwøk

³ nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 61:3 Iomraidhean Croise

Acther 8:15

Køøre Mördekay aput ö wøk ki baŋ nyeya no oruyö ka abïïn nyec mo kïte caala kït dïmuuy ni kwör møøk tar, ka abïï mo ee leeŋø mo cwääc ka waac lïïna mo mïërö ni kwör møøk näga dïmuur, ni wïïe okïthö ka adun warkey mo dwøŋ; ni bëët jø pääny Cuca ni ge kwöŋŋö ki met ec.

Acther 9:22

kiper beege cääŋŋe moa ö jø Juuthi ni jïtge ki jwöm yie, kiper gïïa doo tïïc nyïïmän moge dëëtge akääŋö, ni beeye dwääna løk pänh cwïny marge yie na met ec, ni ö kïmmö ni løø ree baŋ kanynyø; nee cääŋŋe moøgø tïïcge na mo met ec man tïïge yïthge ka ajwöm-cam ki cïp muuce mo caammi jï nyïïawäätge, ki cïp muuce jï jøøa can.

Luup Dïpööy 9:8

Beerra man bëët abïïe moï ni tar cooth ni bëëdï ni wïïï iï wïïrö ki maaw cooth.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 31:13

Kar kaace, nyïïakuue yïthge omïnni ni mielge, ni mïn yïth wøpe ki jø døøŋŋø bëët, kiper kïmmö marge odøøya met ec, ni cøma cwïnyge, ni wëëga yïthge mïnnö na kar pänh cwïny.

Edhikiel 34:29

Ni kïtha geni yi ŋöömö mana ŋäc ni cam ciek yie døc, ni putge bëëtö yi gø ni bäŋ käc këët mo ööl geni, ni bäŋ ajøøŋ mo jwørge këët baŋ wïth juurre.

Edhikiel 47:7

'Ba kanya pïïa kaace, aana jïtö ki jenni mo thööth døc bäät ageela løøi ki løøi.

Dhekaraya 3:5

Køøre aana köö jï jøøa en kaace, ni «Kïthu wï Jøcua ka abïï mo tøŋ man wø rïëp wïc.» Kanyøgø abïï mo tøŋ man wø rïëp wïc aputge kïth wï gø, ni runyge dëër gø ka abïïe, ni nyïïatwiel maal mar Wuuö Jwøk poot cuŋŋö buute.

Mathiew 15:13

Ni dwøk gø jïge, ni «Gïïa näk otuy bëët ni ba piitha Wära ni en maalø, geno puth wøk.

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Luk 15:22

'Ba ŋata näk wuuö laaŋe moe aluumme, ni ‹Laaru kännö ka abïï ma wøp døc, ni kïthu gø dëëre, ni kïthu cere ko ogut, ni kïthu tiete ki war.

Jøøn 15:8

'Ba beeye gïn wø käl ajiem jï Wära, ni näk mou kännö ki nyïëdi mo thööth ni dëëtu you nyoodhø ni uuna bääga.

Jøøn 16:20

Adïëri møn a caana gø jïïu, ni uuno jwöŋi ni dhööŋŋu kööthu, 'ba jø piny yïthge omïnni. Uuni cwïnynyu opädhi, 'ba pänh cwïny maru oløk na met ec.

1 Körin 3:9

Kiper waana jø tïïc bëët na aciel jï Jwøk, ni nägu pwöth Jwøk, ni uuna øtø mar Jwøk.

1 Körin 6:20

kiper u ŋeew ka gïn mo pere leth. Kiper manøgønø, jiemmu Jwøk ki rïŋ dëëtu.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

Ibaru 1:9

'Ba ï mëër ki bëëtö mo beer niï män ki raay; kiper manøgø nø, Jwøk na näk Jwøï ïïna jøre ki maar met ec, ni kaala mar nyïïawäätu.»

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 4:14

'Ba ni näk mo u di caannø kiper nyeŋ Krictø, uuno gwïëdhö, kiper Jwïëy ajiem na näk mar Jwøk bëëdö bäätu.