Aydheea 61:11 - Wëël Jwøk

¹¹ Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 61:11 Iomraidhean Croise

Wïlöölö 1:11

Ni kö Jwøki, ni «Beerra man tuc bäät pinynyi ki luum, ki gïïa marr bëët mo duunnö ki köödhi, ki jenni mo nyöödö ki nyïëdi mo duunnö ki köödhi. Beerra man jït jenni ki nyïëdi ki køør teeŋ wï jaath man nø bäät piny.» Køøre gïïögø athur karge.

Obeec Dudi 4:16

Wui, ï na jam wø ööi ki jï løø wï-piny, ö maal! Wui, ï na jam wø ööi ki jï løø tier-piny, ööï! Ööu ni kwötu dëër ajïniina mara, nee ŋwäänynye na näk met nee kwöt kany mo bäär. Beerra man ö omëërri mara ni døny ya ajïniina mare, ni cam nyïïjenni na beyø na en yie.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 45:8

«Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 62:2

Wui Jerucalem, bëënynyö marï ojoot wïth juurre, ni ö ajiemmi marï ni jooti ya nyeye bëët; ïïno cwøl ki nyeŋ mo nyään, ni beeye nyeŋ mano cur dhi Wuuö Jwøk.

Aydheea 62:7

ni ba wëëgu eni jwöm thuwø këël kanyo këël tier Jerucalem piny ni teek, ni mooc gø ka ajiem bäät piny.

Mathiew 13:23

'Ba mana jør yi ŋöömma beer beeye ŋat wø wïny luum Jwøk ni kwany tier gø, ni jïte ki nyeŋ møn, na aciel käla nyeŋ ma dïpa, ni kän maya ki pïërabïciel, ni maya käla pïëradäk.»

Mathiew 13:3

Ni caan luup mo thööth jïge na leere, ni kööe, ni «Neennu, da dïpïïdhi mo oaa wøk kuna pïïthe ni mare jør.

Mathiew 13:8

'Ba köödhi møøk apäth yi ŋöömö mo beer, ni känge ki nyeŋ. Møøk käla nyeŋ ma dïpa, ni møøk käla pïërabïciel, ni kän møga ki pïëradäk.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.