Aydheea 60:9 - Wëël Jwøk

⁹ Ka adïëri møn, wïth juurre mo wø bëëdö yïth mïëri moa en bäät naama dwøŋ, jïra oneetge, ni ö baabuure mo Tarcëc ni kwøŋge pïï, ni ge käla wäätï ki kanya bäär, ni wäätï gwet-bïrö moge ki warkie moge käärge käärö, ni ge ööa kuna wøørge Wuuö Jwøk, Jwøk marï, ni beeye Jwø Icriel na en kur keere; kiper eni ajiem mo dwøŋ acïbe jïrï.

Aydheea 60:9 Iomraidhean Croise

Wïlöölö 9:27

Beerra man ö Jwøki ni wëëk Jaapeth nyaay, ni bëëde yïth oduŋkaare mo Cëm, ni tïm Keenanni na laŋŋø marge.»

1 Nyeye 10:1

'Ba kanya ö nyijøøa no orøønyø na nyeya mar Cïïba na wïny gïr wïny nyeŋ mar Cølöman mana cïp Wuuö Jwøki jïre, ena ö kuna pëëny Cølöman ki pïëc mo teek.

1 Nyeye 10:22

'Ba nyeya jïre da baabuure mo gath, mo ena yi naam ki baabuure mo Kiram na aciel; ni kany wø tïme na køør cwiiri adäk nø, baabuure moøgø wø kännö ki warkey, ki gwel-bïrö, ki lak lïëy, ka apøønnanyare, ki bïme.

1 Nyeye 22:48

'Ba Jøcapat atïïö ki baabuure mo gath, nee cige Öpïr kuna öömge ki warkey. 'Ba ge kär cøø, kiper baabuure atøyø yi Edhiyön-Gabir.

1 Nyeye 8:41

«Këël jur thuwø mo ba käl røk jiyï ma jø Icriel, kany wø ööe ki paac mo bäär døc kiper nyeŋŋï,

Bwøth Wøk 33:19

Ni kö Wuuö Jwøki jï Modhe, ni «Aani ki dëëra kiree mara na beer tïïa tïïö nee pöödhe ki nyïmï, ni køba gïr nyeŋŋa nyïmï, a na Wuuö Jwøk; kiper met ec mara wø nyoodha nyoodhø jï ŋato kööa ni yia met ki gø, ni nyoodha bäth ec mara jï ŋato kööa ni bäth ec mara nyoodha nyoodhø jïre.»

Pwöc Leec Wïc 18:20

Dhaanhø wø jäŋ ki køør luupe mo wø cur dhee, ni jääŋe ki gïï wø cur leebe.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 2:16

ki bäät baabuure bëët moa näk mo gath, ki bäät jïëth näm bëët moa beyø.

Aydheea 24:15

Kiper manøgønø, u ni en jï løø kur tuul-cäŋ, jiemmu Wuuö Jwøk, ni ö uuni ni en bäät naama dwøŋ ni tïŋu nyeŋ Wuuö Jwøk maal, eni na Jwø Icriel.

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 43:4

Kiper mana näk mo perï leth jïra, ni ïïno wøørø, naa mëër ki ïïni, jiy møøk laa karï, naa coola wïth juurre kar jwïëy moï.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:22

Man beeye dwøl mana caan Kwäärö Wuuö Jwøk, ena köö, ni «Ka adïëri møn, cera tïŋa maal bäät wïth juurre, ni tïŋa nyuudhi mara maal jï wïth juurre; ni öge ki wäätu ni käärge ka tiet jööthge, ni nyïïu käärge ka göökge.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Aydheea 60:4

Tïŋ wïïï maal ni lwïthï, jiy moï bëët rege acooŋge ni ge ööa baŋï; wäätï gena cäänhnhö ki kany mo bäär, ni nyïï di käärö ki tiet jööthi.

Aydheea 60:6

'Ba athïrööle mo thööth ŋöömö marï opääŋge, ni beege athïrööle moa therø mo jø Midien ki jø Gëpër. 'Ba jø wø en Cïïba bëët geno ööi ni ge käädö ki warkey ki jer wø jïcge ŋwääi ni met, ni ge pwøya Wuuö Jwøk ni ge køpa luubö mo nyään mo met.

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 30:19

Ni ö dudi mo dwøk met ec ki dwør meeŋ ni wïny ge yïthge. Ni meeda geni ni thööth, ni kwäänge ba døø piny; ni wëëga geni wøør, ni ba bëëtge na jiy mo bäŋ karge.

Edhikiel 39:7

« ‹Aani nyeŋŋa na en kur keere tïïa tïïö nee ŋäc dï jiya ma jø Icriel. Køør man ennø, nyeŋŋa na en kur keere ba wëëga päät këët; køøre nø, oput wïth juurre ŋäc ni bee aani na Wuuö Jwøk, Jwø Icriel na en kur keere.

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Mikiya 7:12

Ni kanyo tïme na yïth nïröke, jiy oö baŋu, ni ge käla ya Aciria, ki yïth päänye mo Ijep, ki mano täge ki Ijep bäre, këël mano këët bäät Naam Upareeti. Ni ö møøki ki bäät naama dwøŋ këël bäät naama dwøŋ maya, ni ö moa kwörge bäyö bäät kïte ki bäät kïte møga ni öge.

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Dhekaraya 14:14

Jø Juuda thuwø geno këëdi ni ge gwøga Jerucalem, ni ö jap kwär mo wïth juurre bëët moa en deŋge ni cooŋge ge ni thööth døc, ni beege warkey, ki gwet-bïrö, ka abïïe.

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 4:26

'Ba Jerucalem mana en maal paa laŋŋø, ni beeye eni na miiø.

Jøcua 9:9

'Ba gena köö jï Jøcua, ni «Waani, wa na laaŋe moï, waana öö ni wa käla paac mo bäär døc kiper wïny nyeŋ mar Wuuö Jwøk na näk Jwøk marï; kiper waae mo gïïa tïïe awïnywa, ni beege gïïa tïïe bëët Ijep,