Aydheea 60:7 - Wëël Jwøk

⁷ 'Ba pïïth dïëk bëët mo jø Këdar ogwäär baŋï, ni ö nyöök rööm mo jø Nebayöt ni kønyï riï ki ge; geno jïëc ki man cïp geni no olämme bäät gïn wø cïp olämme bääte mara, a na Wuuö Jwøk, ni ööa ni jiema øtø mara na näk øt ajiem.

Aydheea 60:7 Iomraidhean Croise

Wïlöölö 25:13

ni nyeŋ wäät Icmiel, na cak ki køør nyöödö mana nywøl ge ki gø, beege Nebayöt na näk kany Icmiel, ki Këdar, ki Adebiel, ki Mepcam,

Jööp 42:8

Kiper manøgønø, lwötu ki rwädhe abïriiø ki nyöök rööm abïriiø, ni cou baŋ dhaanhnha ma Jööp ni cïpu ge no olämme mo wø waaŋ bäre kiper dëëtu. 'Ba dhaanhnha ma Jööp olämö kiperu, ni ööa ni jïëa lam mare, ni bäŋe gïn mo tïïa dëëtu këët ki køør bøøl maru. Uuni, bäŋ luup mo karge mo you caanø kipera kaawat mana tïïc dhaanhnha ma Jööp.»

Obeec Dudi 1:5

Wui, u na nyïïakuk Jerucalem, aani, aana dhaanhø maa cøl, 'ba kïta mïërö, naa cøl kaamar oduŋkaare mo jø Këdar, naa mïërö kaamar abïïk gëëŋŋe mo øt Cølöman.

Aydheea 19:19

'Ba dïcäŋeca, otïmö ni da gïn wø cïp olämme bääte jï Wuuö Jwøk dï ŋööm Ijep, ni ö waŋ keew mare ni cöönhnhi ki kïdi na nyuudhi jï Wuuö Jwøk.

Aydheea 19:21

Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 21:16

Kwäärö Wuuö Jwøk aköö jïra, ni «Ki køør cwiir aciel, kaawat man wø ö ŋat tïïci wø kwaan nïr tïïc moe ma kar cwiir aciel, ajiem mar paana cwøl ni Këdar ränynyö na bäre bäre;

Aydheea 42:11

Beerra man ö paana näk dïtëën ki päänye moa en yie ni tïŋge döötge maal ni ge pwøya Wuuö Jwøk; beerra man ö atude mo wø bëët jø Këdar yïthge ni mïn yïthge. Beerra man ö jø wø bëëdö Cela ni wärge ni döötge ena maal; beerra man kwöŋge ki met ec ni ge ena wïth kïte.

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Aydheea 60:13

Ajiem mar Lur Libaanø di kälö jïrï, ni beege teeŋ jenni moa perge leth, nee øt lam mara nee tïïc ni mïërö ki ge, ni wëëga kar bëët tieta jiem.

Edhikiel 20:40

'Ba aani, a na Kwäärö Wuuö Jwøk, a caana gø, ni bäät kïdi mara na en kur keere, ni beeye kïnna bäär mar Icriel, u na jø dhi øt Icriel u bëët, aano tïnynyu bääte kaace yi ŋöömmece, ni jïëa uuni yie. Køøre uuno pëënynya kaace ki muuce mou moa beyø ki japu bëët moa en kur keerge.

Edhikiel 27:21

« ‹Jø Araba ki kwääri bëët mo Këdar ge bëëdö ni ge gänhnhö baŋï. Geni, nyïïdïëk, ki nyöök rööm, ka atëëe, agathge ki ïïni.

Mikiya 4:1

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte. Eno tïŋ maal ni kaala thuuri, ni ö wïth juurre ni rwäthge bääte.

Jepaniya 3:10

'Ba jiy moa en løø näp jø Kuuc løøga, ni beege jiy 'moa moa no okeethø ni wø wøør aani, geno känni jïra ki muuce.

Dhekaraya 2:8

Kiper man bee gïna caan Wuuö Jwøki, eni na wïth jammi bëët, «Køør mana nø jiem aani, aana jääŋŋe baŋ wïth juurre moa caar uuni, kiper ena köö, ni ‹Jø wø gut uuni guta guu waŋa.›

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Ibaru 13:10

'Ba jïïø da gïn wø cïp olämme bääte, mo jø wø tïïö yo oduŋkaara kär jïëö ki man camge gïno cïp bääte.