Aydheea 60:6 - Wëël Jwøk

⁶ 'Ba athïrööle mo thööth ŋöömö marï opääŋge, ni beege athïrööle moa therø mo jø Midien ki jø Gëpër. 'Ba jø wø en Cïïba bëët geno ööi ni ge käädö ki warkey ki jer wø jïcge ŋwääi ni met, ni ge pwøya Wuuö Jwøk ni ge køpa luubö mo nyään mo met.

Aydheea 60:6 Iomraidhean Croise

Wïlöölö 10:7

Ni wäät Kuuc beege Ceba, ki Ëwlath, ki Cabta, ki Raama, ki Cabteka; ni ö wäät Raama ni näkge beege Cïïba ki Didan.

Wïlöölö 25:13

ni nyeŋ wäät Icmiel, na cak ki køør nyöödö mana nywøl ge ki gø, beege Nebayöt na näk kany Icmiel, ki Këdar, ki Adebiel, ki Mepcam,

1 Nyeye 10:2

Køøre nyijøøgø aö yi Jerucalem ni käädö ki lwaak mo päl døc, ka athïrööle mo tïëdö ki gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba kanya pïïe baŋ Cølöman, Cølöman apëënynye ki luup bëët moa en cwïnye.

2 Nyeye 8:9

Køøre Adhaël aci kuna røømme ki nyikuŋ Jwøk, ni käädö ki muuce, ni beege wïth jammi moa beyø bëët moa en Damacka mo käära athïröölli ma pïëraŋween; ni cøøe ni cuŋŋe nyïm Ilaaca ni kööe, ni «Dhaanhnhï ma Ben-Adat nyeny Aram aana jääŋ baŋï ni kööe, ni ‹?Aani, dëëra pïïa piny ki täw man en ni dëëra en?› »

1 Luup Nyeye 1:33

Ni ö wäät Midienni ni näkge beege Gëpër, ki Ëpër, ki Anök, ki Abida, ki Eldaa. Jøøgø bëët beege jiy moa käl dëër Këthura.

2 Luup Nyeye 9:1

'Ba kanya ö nyijøøa no orøønyø na nyeya mar Cïïba na wïny gïr wïny nyeŋ mar Cølöman, ena ö yi Jerucalem kuna pëëny Cølöman ki pïëc mo teek. 'Ba ena öö ni käädö ki lwaak mo päl ka athïrööle mo tïëdö ki teeŋ gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba eni kanya pïïe baŋ Cølöman, luup bëët moa en cwïnye acaane jï gø.

Aydheea 30:6

'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 60:9

Ka adïëri møn, wïth juurre mo wø bëëdö yïth mïëri moa en bäät naama dwøŋ, jïra oneetge, ni ö baabuure mo Tarcëc ni kwøŋge pïï, ni ge käla wäätï ki kanya bäär, ni wäätï gwet-bïrö moge ki warkie moge käärge käärö, ni ge ööa kuna wøørge Wuuö Jwøk, Jwøk marï, ni beeye Jwø Icriel na en kur keere; kiper eni ajiem mo dwøŋ acïbe jïrï.

Aydheea 61:6

'Ba ge na jiya geno cwøl na dïlämme mo Wuuö Jwøk, ni cøøri ya jiyi ni jø wø tïny Jwøk marø. Geno cämö ki jap kwär mo wïth juurre, ni jïëmge ki køør jammi moøgø.

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Edhikiel 27:22

« ‹Dïgäthe mo Cïïba ki dïgäthe mo Raama gena gänhnhö baŋï, ni ö teeŋ jenni bëët mo wø jïcge ŋwääi ni met, ki nyeŋ kïte moa perge leth, ki warkey, ni gathge gø ki ïïni.

Jepaniya 3:10

'Ba jiy moa en løø näp jø Kuuc løøga, ni beege jiy 'moa moa no okeethø ni wø wøør aani, geno känni jïra ki muuce.

Dhekaraya 14:16

Køøre jiy moo dööŋ ni kwøw ki røk wïth juurre bëët moa tïïc leny bäät Jerucalem, geno wäro ci ki yi cwiir cooth kuna wøørge nyeya ma Wuuö Jwøk, eni na wïth jammi bëët, ni cige ni wøørge ajwöm wø wøør ni jøw ena yïth abïle.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 2:11

'Ba kanya dønyge yi øtø, nyilaal ajootge ki menni ma Meeri, ni këëlge cøŋge piny ni wøørge gø. Kanyøgønø, opïri moge ajapge, ni moocge eni ki muuce, ni beege warkey, ki mädhi mo ŋwääö ni met ma teeŋi.

Wëëlö Mana Göör Pøølli Baŋ Jø Röm 15:9

nee juurre tïmge ni ge jiema Jwøk kiper met yie. Kaawat mana gööri, ni «Ïïno pwøa dï juurre, ni kïtha nyeŋŋï ri dudi.»

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Pïëmme 6:5

Kiper kany wø öge, ge ööi ka lääc paac moge bëët ko oduŋkaare moge, ni ge thööth døc ni caala bäänyö; ni geni ka athïrööle moge bëët, ge ba løny ki kwaan. 'Ba ge wø ööi ni ge raanynya ŋöömö manøgø møn.

Pïëmme 7:12

'Ba jø Midien ki jø Amalëk ki jø wø bëëdö jï løø kur tuul-cäŋ, dï gool manøgø bäre ege gääbö, ni kwäänge thööth døc kaamar lwaa bäänyö; këël athïrööle moge ba løny ki kwaan, kiper ge thööth døc ni kwäänge caala nyeŋ akwöny deŋ naama dwøŋ.