Aydheea 60:5 - Wëël Jwøk

⁵ 'Ba oraŋï ni mïn yiï, cwïnyï omïnni ni pääŋe ki met ec; kiper mano ö jap kwärö mo naama dwøŋ noo käli jïrï, ni ö kwärö mar wïth juurre ni ö baŋï.

Aydheea 60:5 Iomraidhean Croise

Aydheea 23:18

'Ba jammi moo joode ki køør gath mare ocïp kur keerge jï Wuuö Jwøk. 'Ba jammi moøgø ba kan wala ba cïp piny ki man mëët bäätge; 'ba owëëk jiy mo wø bëëdö ni wøøra Wuuö Jwøk, nee tïmge na mo ŋeewge ki caammi mo orømø kiper dëëtge ka abïïga beyø.

Aydheea 54:2

Tïïc kar oduŋkaara marï ni laac, ni ö abïïe moa näk gëëŋŋe mo kwör bëëte moï ni twöï ge piny ni yïthge iï peerø ni døøŋŋø, ni ba lwagï ge; ni tïïyï thøøth oduŋkaara marï ni bäyö, ni cwödhï teegi moe piny ni teek.

Aydheea 60:11

Dhøk kiir marï bëëdö no ojabø cooth, ni ba cïëgi ki dïcäŋ ki wäär, kiper nee wïth juurre jap kwär moge kälge jïrï, ni öge ki nyeye moge ni jøl geni.

Aydheea 61:6

'Ba ge na jiya geno cwøl na dïlämme mo Wuuö Jwøk, ni cøøri ya jiyi ni jø wø tïny Jwøk marø. Geno cämö ki jap kwär mo wïth juurre, ni jïëmge ki køør jammi moøgø.

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Mathiew 25:16

Ni ö ŋata mooc ki gwel abïïc ni put aay ni gädhe ki ge, ni duunne ki gwel abïïc møøk.

Moa Tïïc Nyïïatwieli 10:45

Ni ö jøøa näk ojïëy dï jøøa näk odaŋø na öö ki Piter na aciel, ni thäŋ yïthge kiper na wëëk Jwïëc Jwøk na en kur keere juurre thuwø.

Moa Tïïc Nyïïatwieli 11:17

?'Ba na nø cïpi ya Jwøki jïge kaawat mana mooc øøni kanya jïëø Kwäärö ma Jecu Krictø, aana ŋa nø na doo män mo Jwøk?»

Moa Tïïc Nyïïatwieli 24:17

'Ba na nø thöödha ki cwiiri mo boop, aana öö naa käla jap cane jï jø powa, naa cïpa ko olämme thuwø.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 15:26

Kiper jø Macedönia ki jø Akeea yïthge amïnnö ki man nywaakge japge ki jøøa can dï jø Jwøk yi Jerucalem.

2 Körin 10:15

Wa bäŋ wø töödö ka atöör mo okadhø ki køør öölö mar jø møøk. 'Ba ewa ŋäädhö ni kanyo døøŋ ŋäädhe maru, karwa opälli dïïu døc,

Tiet Ciik 33:19

Geni, jø møøk cwølge cwølø ni öge bäät kïnno jier Wuuö Jwøki, ni cïpge ko olämme ma karge kaace ni jøøgø nutö. Geni, geno kän wøk ki gïï mo thööth ki yi naam, ki gïï mo perge leth mo kuc ya akwöö dïkwøŋ.»

Mana Nyooth 21:24

'Ba mïëri ocäädhi ki dääre, ni ö nyeye mo piny ni kälge ajiemge yie.

Mana Nyooth 21:26

'Ba ajiem mïëri ki gïïa beyø na en yïthge okälge yi gø.

1 Camiel 2:1

Køøre Anna Wuuö Jwøk apwøe ni kööe, «Yia atïmö ni met ki køørï, ï na Wuuö Jwøk; ni ö teeki mara ni tïme ni cäätha maal ki køørï, ï na Wuuö Jwøk; aana jïtö ki teek ki man cääna ki nyïïmän 'moa, ni ö yia ni tïme ni met kiper køny marï.