Aydheea 60:21 - Wëël Jwøk

²¹ Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 60:21 Iomraidhean Croise

2 Camiel 7:10

Aani thuwø da kany mo jiera jierø kiper jiya ma jø Icriel nee tietge këëtge piny yie, ni beeye kany bëëtge yie na poge, ni tïme ni bäŋ jiy mo kiera wïthge këët, ni bäŋe jiy mo wïthge reyø mo caara ge këët kaawat mana dïkwøŋ,

Aydheea 19:25

Wuuö Jwøk, eni na wïth jammi bëët, geno gwïëdhe ni kööe, ni «Gwïëth en jï jø Ijep, ge na jiya, ki jï jø Aciria na tïïa ki cera, ki jï jø Icriel na näk yaa jierø na 'moa.»

Aydheea 24:16

'Ba øøni, dudi owïnynyø bäät piny bäre, mo köö, na «Ajiem en jï Jwøa beer.» 'Ba aani, aana köö, «Otïmö ni leth jïra! Otïmö ni leth jïra møn! Aana ränynyö! Jø wø tïïc gïï mo reyø ki piny, ge poot bëëdö ni ge tïïya gïï mo reyø; ni ge bëëdö ni ge cäätha maal ki tïï gïï mo reyø.»

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 29:23

'Ba kanyo jootge obwöre moge moa tïïa ki cera ni nut yïthakicge, nyeŋŋa na en kur keere ojiemge, ni wøørge aani na Jwø Jeekap na en kur keere, ni cuŋge nyïma ni ge lwäär ki aani, a na Jwø Icriel.

Aydheea 43:21

Jiya moa tïïa kiper dëëra ajiem mara caange caanø.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 45:11

Man beeye dwør Wuuö Jwøk, eni na Jwø Icriel na en kur keere, na cwääc Icriel, ena köö, na «?Aŋø, a dou pëënynyö kiper gïïo tägi yi nyïm kiper obwöre 'moa, naa dou köömmö kiper gïïa tïïa ki cera?

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 45:25

Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 45:8

«Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Aydheea 49:3

Ni kööe ki aani, ni «Ï na Icriel, ïïna dhaanhnha, ni wø nyoodha ajiem mara ki dëëre.»

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 57:13

Kït gïï wø lammu na näk you cooŋø, beerra man piemge uuni kany wø jwöŋu kiper køny. 'Ba ge poot käl jame kälö ge bëët; këël jam dhøk, ge køøle køølø bëët. 'Ba ŋato bëëdö ni ŋäätha göök mara, ŋöömö oci jïre, ni ö kïnna na en kur keere ni dööŋe jïre na mare.»

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 32:41

Aani, a bëëdö ni yia met ki geni naa tïïya gïn mo beer jïge, ni këëlla tietge piny døøc yi ŋöömmi en, ni tïïa ki cwïnya bäre ki jwïëya bäre.

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Edhikiel 34:29

Ni kïtha geni yi ŋöömö mana ŋäc ni cam ciek yie døc, ni putge bëëtö yi gø ni bäŋ käc këët mo ööl geni, ni bäŋ ajøøŋ mo jwørge këët baŋ wïth juurre.

Edhikiel 37:25

Geno bëëdö yi ŋöömö mana cïba jï dhaanhnha ma Jeekap, ni beeye ŋöömma bëët kwäyu yie. Geni ko obwöre moge ki nyïïkwaacge geno bëëdö yi ŋöömö manøgø na bäre bäre, ni ö dhaanhnha ma Deebit ni put bëëte na bwödhi marge na bäre bäre.

Edhikiel 47:7

'Ba kanya pïïa kaace, aana jïtö ki jenni mo thööth døc bäät ageela løøi ki løøi.

Amøc 9:15

Tiet jiya okëëlla piny yïth ŋøøm moge, ni bäŋ ŋat mo daak ge këët yïth ŋøøm moge moa cïba jïge.» Gïnögø caana Wuuö Jwøki Jwøk maru.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Mathiew 15:13

Ni dwøk gø jïge, ni «Gïïa näk otuy bëët ni ba piitha Wära ni en maalø, geno puth wøk.

Mathiew 5:5

«Gwïëth en bäät jø wø mwöl, kiper piny owëëk geni.

Jøøn 15:2

'Ba bäät jenni bëët moa näk 'moa, mo wø ba nywøl ki nyïëdi, wø käla wøk. Ni bäät jenni bëët mo wø nywøl ki nyïëdi, wø goora goorø nee nywølge ki nyïëdi mo thööth.

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Epeca 2:7

kiper nee met yie na päl na bäŋ teeŋe nee nyoodhe jïïø ki bäth ec ki ri Krictø Jecu yi piny mano ööi.

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.

Mana Nyooth 5:10

Ni tïïyï geni na jø bura na dïlämme jï Jwøk marø. 'Ba geno bëënni bäät piny.»