Aydheea 60:20 - Wëël Jwøk

²⁰ Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Aydheea 60:20 Iomraidhean Croise

Dut Pwøc 27:1

Aydheea 24:23

Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 25:8

Kwäärö Wuuö Jwøk thøø raanynye raanynyø na bäre, ni pooc pï nyeŋ jiy bëët, ni ö eni ni käl lään wïc wøk bäät jiye moa en bäät piny bäre; kiper luummögø caana Wuuö Jwøki.

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 60:1

Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 65:19

Aani yia omïnni ki Jerucalem, ni tïm yia ni met ki jiy 'moa; ni tïm jwøk thøø ko oduuru ni ba wïnynyi yie këët na bäre bäre.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Wëël Kïmmö 5:21

Wui Wuuö Jwøk, duu waani baŋï, nee wa døøwa karwa; dwøk bëëtö marwa kare ni caala mana dïkwøŋ.

Amøc 8:9

Man beeye mana caan Wuuö Jwøki, ena köö, ni «Dïcäŋöca cäŋ owëëga pädhö ki dhöör, ni wëëga piny tïmö na muudhö ki dïcäŋ.

Dhekaraya 14:7

kiper otïmö na cäŋ mo ena kur keere mo ŋäya Wuuö Jwøki, ni beeye cäŋ mo patha dïcäŋ wala wäär. 'Ba noo tïme na ŋec wëëlle, tar otïmö ni dagø.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»