Aydheea 60:2 - Wëël Jwøk

² Ka adïëri møn, muudhö bäät piny aume, muudhö mo cøl ena bäät wïth juurre; 'ba Wuuö Jwøk ööa baŋï, ni ö ajiemmi mare ni nëëne bäätï.

Aydheea 60:2 Iomraidhean Croise

1 Nyeye 8:11

Køøre atïmö ni ba løny jï dïlämme ki man tïïcge tïïc marge, kiper pöölö mana en yie, kiper ajiem mar Wuuö Jwøk Øt Wuuö Jwøk apääŋe.

Dut Pwøc 80:1

Aydheea 2:5

'Ba ennø, u na nyïïkwaac Jeekap, ööu, nøø cäädhø ki yi tar mar Wuuö Jwøk.

Aydheea 4:5

Køøre Wuuö Jwøk pöölö mo näga jïrö wëëge nirwöc ki dïcäŋ bäät Kïn Dhayan bäre ki jiy moa näk rege ege cooŋ bääte, ni ö tarri mar leep maac ni wëëk gø rieny bäät gø ki wäär; ni ö ajiem mana en bäät Dhayan bäre ni bëëde no ouumö ki gïn mo caala rëëbi.

Aydheea 58:10

ni näk mo dëëtu you cïbö jï jøøa no onäk käci ki man mooyu geni ki cam, ni wëëgu jøøa näk ocaannø jääŋö kaawat man wø manyge, tar maru orieny yi muudhö, ni ö wäärri ni tïme kaamar dïcäŋ jïïu.

Aydheea 58:8

'Ba ni näk mo gïïögø tïïyu tïïö, tar maru rieny kaawat man wø kwäär øwi, ni ö kønynyi maru ni laar nicäär. Bëënynyö maru bwödhö nyïmmu, ni ö ajiemmi mara, a na Wuuö Jwøk, ni en køøru ni koora uuni.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 66:11

Kiper Jerucalem tïmö ni caala miiu; uuno dhøøth kööre ni jäŋŋu ki thunhnhe na beer; uuno mäthi ki caak moe ni mïn yïthu ki caage ni wø muuli ni thööth.»

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Edhikiel 10:4

Køøre ajiem mar Wuuö Jwøk aput nirwöc bäät kirubëlli ni put pïï bäät thudhi mar dhi øt Jwøk. Ni ö øt Jwøki ni put pääŋö ki pöölö, ni yi kal päŋ ki tar mar ajiem mar Wuuö Jwøk.

Ciik Kiper Dïlämme 9:23

Ni ö Modhe ka Aran ni putge ci yo oduŋkaany røømmø. 'Ba kanya duuge wøk, jiy agwïëthge, ni ö ajiemmi mar Wuuö Jwøk ni puti nyooth jï jiy bëët.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Kwään Jiy 16:19

'Ba kanya ö Köra na cooŋ lwaak bäre, ni thïïŋge rege kiper Modhe ka Aran dho oduŋkaany røømmø, ajiem Wuuö Jwøk aput nëënne jï lwaak bäre.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 23:19

?U na cööye en, aŋø, a mane ni dwøŋŋa eni, beeye olämi wala gïn wø cïp olämme bääte na tïïc olämi ni ena kur keere na mar Jwøk?

Mathiew 23:24

U na dïpïëye ma cööye, u wø thïï twöŋö wøk ni mwønynyu athïrööl.

Jøøn 1:1

Wïlöölö Dwøl nutö, ni Dwørøgøøni ena kanya ciel ki Jwøk, ni Dwørøgøøni beeye Jwøk.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 8:55

'Ba eni kuyu. 'Ba aani, eni ŋääa. Onää yaa caanø, ni eni kuua, a doo tïmö ni aana twöt kaawat maru. 'Ba aani eni ŋääa, ni luumme yaa gwøø.

Moa Tïïc Nyïïatwieli 14:16

Kiper yïth cwiiri moa pöödhö, Jwøk mïëri bëët awëëk bëëte kaawat mana manyge.

Moa Tïïc Nyïïatwieli 17:23

Kiper kanya caadha dïïu ni neena lam maru, kar jëëdhi mør ajooda ki luubö mo ogöörö na ennønø dëëre, ni ‹Jï jwøk mo kuc.› Kiper manøgønø, gïna lammu ni kuyu beeye ni køba jïïu en.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.

Köløcia 1:13

Ni beeye eni na käl øøni wøk ki yi teek muudhö, ni kïth ø yi buc Wääde na mëëre ki gø.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.