Aydheea 60:17 - Wëël Jwøk

¹⁷ Aani, a känna baŋï ki warkey, na kar nywïënyö ma jwïël, a känna baŋï ki gwel-bïrö, na kar nywïënyö jaak, a känna baŋï ki nywïënyö ma jwïël, na kar jaath, ni känna baŋï ki nywïënyö, na kar kïte. Bëët-mëër tïïa tïïö na gïn käär akwöma marï ki gø, ni tïïa bëënynyö na gïn bwøth ïïni.

Aydheea 60:17 Iomraidhean Croise

1 Nyeye 6:30

Ni puuc yi øtø ki warkey, ni beeye thääŋ øtø mana en kur keere ki thääŋ øtø mana en kur keere na pere leth.

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Daniel 11:20

«'Ba da ŋat mo dëëre di thïïŋö kare, ni jääk wøk ki jiy baŋ ajwäk, nee kwärö mar akwöm nyec mare meede. 'Ba ki køør nïne mo nøk eni di nääö, ni paa nyïm jiy wala ri leny.

Agëë 2:8

Kiper gwet-bïrö beege 'moa, ni warkey beege 'moa thuwø, a na Wuuö Jwøk, na en wïth jammi bëët.

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Ibaru 11:40

kiper mana tïme ni da gïn mør mo beerra eni mo ŋäc Jwøki kiperø, ki man näk mo ge ba thur karge ni ø tøør.

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.