Aydheea 60:16 - Wëël Jwøk

¹⁶ Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 60:16 Iomraidhean Croise

Bwøth Wøk 6:7

Ni lwøra uuni ni uuna jiya, ni tïma ni aana Jwøk maru, ni putu gø ŋäc møn ni aana Wuuö Jwøk na näk Jwøu na käl uuni wøk ki yïth gïïa leth na kïth jø Ijepi bäätu.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 19:20

Manøgø otïmö na nyuudhi na gïr lïŋ dï ŋööm Ijep kiper Wuuö Jwøk, eni na wïth jammi bëët; nee kanyo wäro jwöŋ jø Ijepi jï Wuuö Jwøk kiper jø wø caar geni, nee eni wø jääŋ baŋge ki pïëmi na kunyi mo wïïl geni wøk.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 29:24

'Ba jøøa näk wïthge rege cwödhö, tiet luup okwanyge, ni ö jøøa bëëdö ni ŋurö ni jïëcge pwöc.»

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 43:11

Aani, bee aani na Wuuö Jwøk; ni bäŋ pïëmi mør këët ni näk mo paa aani.

Aydheea 45:15

Wui, ï na Jwø Icriel, ï na pïëmi! Ka adïëri møn, ïïna Jwøk mo dëërï kanï kanø.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 52:6

Kiper manøgønø, jiya nyeŋŋa otïmö ni ŋäcge; kiper noo tïme na dïcäŋeca, oŋäcge ni bee aani noo cäänö; ka adïëri møn, bee aani.»

Aydheea 59:20

'Ba mana caan Wuuö Jwøki bee en, ena köö, ni «Da ŋat mo wïïla jiy wøk mo ööa yi Dhayan ni ööa baŋu, u na jø dhi øt Jeekap moa køp raacge.

Aydheea 60:17

Aani, a känna baŋï ki warkey, na kar nywïënyö ma jwïël, a känna baŋï ki gwel-bïrö, na kar nywïënyö jaak, a känna baŋï ki nywïënyö ma jwïël, na kar jaath, ni känna baŋï ki nywïënyö, na kar kïte. Bëët-mëër tïïa tïïö na gïn käär akwöma marï ki gø, ni tïïa bëënynyö na gïn bwøth ïïni.

Aydheea 61:6

'Ba ge na jiya geno cwøl na dïlämme mo Wuuö Jwøk, ni cøøri ya jiyi ni jø wø tïny Jwøk marø. Geno cämö ki jap kwär mo wïth juurre, ni jïëmge ki køør jammi moøgø.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Aydheea 63:8

Kiper Wuuö Jwøk aköö, ni «Ka adïëri møn, gena jiy 'moa, ni beege obwöre mo ba løny ki man cäänge ki tööt jïra.» Kiper manøgønø, Wuuö Jwøk atïmö na pïëmi marge.

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Jeremaya 15:21

Aani, ï käla wøk ceŋ jøøa reyø møn, naa piema ïïni ceŋge, ge ni wø tïïö ki gïï mo reyø dëët jiy.» Luummögø caana Wuuö Jwøki.

Edhikiel 34:30

Køøre nø, ŋäcge ŋääö ni beeye aani na Wuuö Jwøk, Jwøk marge, na bëëdö ki geni; ni ge na jø Icriel, gena jiy 'moa. Luummögø caana aani, a na Kwäärö Wuuö Jwøk.

Mana Nyooth 21:24

'Ba mïëri ocäädhi ki dääre, ni ö nyeye mo piny ni kälge ajiemge yie.

Mana Nyooth 21:26

'Ba ajiem mïëri ki gïïa beyø na en yïthge okälge yi gø.