Aydheea 60:14 - Wëël Jwøk

¹⁴ 'Ba wäät jøøa dïïm ïïni geno ööi ni këëlge cøŋge piny nyïmï; jiy bëët moa taak ïïni, wïthge okuulge piny ni nuumge tietï ni ge wøøra ïïni, ni cwølge ïïni ni Pääny Wuuö Jwøk, ni bee ï Dhayan na näk mar Jwø Icriel na en kur keere.

Aydheea 60:14 Iomraidhean Croise

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Wïlöölö 42:6

'Ba Jocep beeye ŋata näk kwäärö Ijep, ni bee eni na en ŋïëwi cere mo beel kiper jø mïëri bëët. Kanyøgø uutwänni aö baŋe ni kuulge wïthge piny nyïme ni määthge gø.

Pwöc Leec Wïc 14:19

Jø raay cøŋge okëëlge piny nyïm jøøa beyø, ni ö jøøa reyø ni këëlge cøŋge piny dhøk käälle mo jøøa marge beer.

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Edhikiel 36:15

Aani, ï ba tïïa këët nee dee luup abuua mo wïnynyï baŋ juurre, ni bäŋe ajaany mo jwørï këët baŋ wïth juurre, wala ki man wëëgï jiy moï pädhö. Luummögø caana aani, a na Kwäärö Wuuö Jwøk.› »

Edhikiel 39:7

« ‹Aani nyeŋŋa na en kur keere tïïa tïïö nee ŋäc dï jiya ma jø Icriel. Køør man ennø, nyeŋŋa na en kur keere ba wëëga päät këët; køøre nø, oput wïth juurre ŋäc ni bee aani na Wuuö Jwøk, Jwø Icriel na en kur keere.

Jool 3:8

Aani thuwø, wäätu ki nyïïu gadha gadhø baŋ jø Juuda, ni ö jø Juuda ni gathge ge baŋ jø Caaba, wï juna kare bäär.» Kiper beeye Wuuö Jwøk na caan gø.

Jepaniya 3:19

'Ba dïcäŋöca, jiy bëët moa caar uuni jääla jäälö; 'ba puudhi okønya, ni cooŋa jøøa no okeethø na mak ki tøŋ, ni mooa geni ki pwøc ki wödö bäät piny bäre na kar lään wïc marge.

Dhekaraya 8:23

Wuuö Jwøk, eni na wïth jammi bëët, aköö, ni «Yïth nïne moøgø, jiy apaar ki røk wïth juurre ki dhøgi bëët abïïn ŋat Juuth man nø omakge ni köge, ni ‹Beerra man aa ki uuni na aciel, kiper awïnywa ni Jwøk ena buutu.› »

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Mana Nyooth 14:1

Kanyøgø aana nëënnö, ni jooda Nyidiel ni cuŋŋö bäät Kïn Dhayan, ni buute da jiy ma kume ma dïpa ki pïëraŋween kurŋween, jøøa näk nyeŋŋe ki nyeŋ Wänni ogöör täärnyïmge.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.