Aydheea 60:13 - Wëël Jwøk

¹³ Ajiem mar Lur Libaanø di kälö jïrï, ni beege teeŋ jenni moa perge leth, nee øt lam mara nee tïïc ni mïërö ki ge, ni wëëga kar bëët tieta jiem.

Aydheea 60:13 Iomraidhean Croise

1 Luup Nyeye 28:2

Køøre Deebit acuŋŋö ni kööe, ni «U na nyïïmëëga, ni bee u jiy 'moa, cegu ïthu ni wïnynyu mara! Aani, aana cädö ki man gëëda ki øtø mo bëëdö ki kany mo bäär kiper acanduk man wø nyooth luumma tuut Wuuö Jwøki ki jiy, nee tïme thuwø ni beeye køøm tiet Wuuö Jwøk. 'Ba dëëra yaa nø jiiŋŋø ki man geera gø.

2 Luup Nyeye 2:15

«'Ba ennø, ï na kwääya, beerra man jääŋŋï japa caanï jïra, a na dhaanhnhï, ni beege beek wø cwøl ni cïndë, ki beek wø cwøl ni gäbci, ki mädhi ki kwøk nyïïomøki.

Edhera 7:27

'Ba Edhera aköö, ni «Pwøc en jï Wuuö Jwøk, Jwø kwäcwa, na cïp luummögø cwïny nyeya, nee Øt Wuuö Jwøk ni en Jerucalem jïte ka ajiem,

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 60:7

'Ba pïïth dïëk bëët mo jø Këdar ogwäär baŋï, ni ö nyöök rööm mo jø Nebayöt ni kønyï riï ki ge; geno jïëc ki man cïp geni no olämme bäät gïn wø cïp olämme bääte mara, a na Wuuö Jwøk, ni ööa ni jiema øtø mara na näk øt ajiem.

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Edhikiel 47:7

'Ba kanya pïïa kaace, aana jïtö ki jenni mo thööth døc bäät ageela løøi ki løøi.